Ermənilər Hadrutda yenidən hücuma keçiblər – İrəvan da bunu gizlətmir

Erməni hərbi birləşmələri bu gün də atəşkəsi pozublar.

araz.az  Ovqat.com-a istinadən xəbər verir ki, faktı Ermənistan Müdafiə Nazirliyinin sözçüsü Şuşan Speryanözünün Telegram səhifəsində etiraf edib.

Sözçünün iddiasına görə, guya Azərbaycan ordusu Hadrutun Çaylaqkənd (Xtsaberd) və Köhnə Tağlar kəndinə hücum edib və erməni hərbi birləşmələri ilə döyüşüblər. 

“Ermənistan müdafiə ordusunun qoşunları düşmənin hücumlarının qarşısını almaq üçün hərəkətə keçib”, – Stepanyan yazır.

Qeyd edək ki, noyabrın 10-da imzalanmış 3-tərəfli Bəyanata əsasən, Hadrut Azərbaycan tərəfinin nəzarətinə verilmişdi. Rayonun yuxarda adı çəkilən iki kəndindəki erməni partizanları isə mövqelərini tərk etməyəcəklərini bildirmişdilər. Görünür, onlar son missiyalarını yerinə yetirmək əmri alıb və Azərbaycan ordusunun qanuni tələblərini yerinə yetirmir və hücuma keçiblər. 

Dünən də bənzər hadisə yaşanmış, əsgərlərimizdən 3-ü yaralanmışdı. Onlardan birinin vəziyyəti ağır idi.

araz.az xəbər portalı.