Özünə ad günü keçirdən Rasim Məmmədovun direktor bacısı işdən çıxarıldı

Bakı şəhəri 187 nömrəli tam orta məktəbin direktoru Nailə Məmmədova ilə bağlanmış əmək müqaviləsinə 28 dekabrdan xitam verilib.

araz.az  Asiya.az-a istinadən xəbər verir ki, bu barədə Təhsil naziri müvafiq əmr imzalayıb.

Qeyd edək ki, ötən həftə Nailə Məmmədova karantin qaydalarını pozmaqla gündəmə çevrilmişdi. 187 nömrəli tam orta məktəbin sabiq direktoru evində təşkil etdiyi doğum günü məclisi ilə karantin qaydalarını kobud şəkildə pozmuşdu.

O, fərdi yaşayış evində təşkil etdiyi məclisə onlarla şəxsi dəvət etmişdi. Sabiq direktor həmçinin məclisə müğənnilər də çağırmışdı.

Nailə Məmmədovanın evində baş tutan məclisdən çəkilən videogörüntülər sosial şəbəkələrdə etirazla qarşılanmışdı. O İctimai Nəzarət Koalisiyasının (İNK) sədri Rasim Məmmədovun bacısıdır.

[bt_youtube url=”https://www.youtube.com/embed/AfLwfQk5B_Q” width=”600″ height=”400″ responsive=”yes” autoplay=”no”][/bt_youtube]

araz.az xəbər portalı.