Yanvarın 18-də iri ticarət mərkəzləri və “Mall”ar açılır? – Operativ Qərargahdan AÇIQLAMA

Azərbaycanda koronavirus pandemiyasına görə bir neçə aydır ki, iri ticarət mərkəzləri və “Mall”arın fəaliyyəti dayandırılıb.

Son bir neçə həftə yoluxmaların sayının günbəgün azalma dinamikası yanvarın 18-dən sonra yumşalamaların olması ilə bağlı fikirlər ortaya çıxarır. Bundan əlavə yaxın günlərdə ölkədə koronavirus əlehinə peyvəndlənmə də başlayacaq.

Bu gün hər kəsi maraqlandıran sual yanvarın 18-nə kimi yoluxma azalma dinamikası ilə davam edərsə, yanvarın 18-dəki yumuşalma iri ticarət mərkəzləri və “Mall”ara şamil ediləcəkmi?

Bununla bağlı Sonxeber.az-ın sualını cavablandıran Nazirlər Kabinetinin mətbuat xidmətinin rəhbəri İbrahim Məmmədov bildirib ki, iri ticarət mərkəzlərinin açılacağı ilə bağlı onda heç bir məlumat yoxdur:

“Hazırda ölkədə sərt karantin rejimi tətbiq edilir. İri ticarət mərkəzlərinin nə vaxt açılacağı barədə mən də heç bir məlumat yoxdur. Karantin rejimində yumşalma və iri ticarət mərkəzləri ilə bağlı rəsmi qərar olarsa bu barədə ictimaiyyətə məlumat veriləcək”.

araz.az xəbər portalı.