1604977037942 DE92ZEiQprezident“Mənim Paşinyanla təmaslarım o zaman başa çatdı ki, o, təxribatçı bəyanatlar verdi.”

araz.az-ın məlumatına görə, bunu Azərbaycan Prezidenti İlham Əliyev bu gün yerli və xarici jurnalistlər üçün videoformatda keçirdiyi mətbuat konfransında deyib.

Prezident mətbuat konfransında Ermənistanın Baş naziri Nikol Paşinyanla birbaşa təmasının olub-olmamasından danışıb:

“Mənim Paşinyanla təmaslarım o zaman başa çatdı ki, o, təxribatçı bəyanatlar verdi. Bu gün Ermənistanda Paşinyanı “Lift diplomqatiyası” aparmaqda ittiham edirlər. Çox gülünc bir vəziyyətdir. Biz 2019-cu ildə Bişkekdə çox təsadüfən bir dəqiqə ərzində liftdə olduq, bir mərtəbədən digər mərtəbəyə qalxdıq. Yəni liftdə bir dəqiqə ərzində bu adam hansı diplomatiya ilə məşğul ola bilərdi? Düşənbə şəhərində o, mənə təklif etdi və söz verdi ki, atəşkəsə riayət edəcək və münaqişənin həll edilməsi ilə bağlı səylər göstərəcək. Sonra bizim nümayəndələr arasında birbaşa təmaslar yarandı. Məlumat mübadiləsi aparılırdı. Sonra Paşinyan özü qeyd edirdi ki, təmas xəttində bu qədər dinc vəziyyət mövcud olmayıb. Çünki o məndən xahiş etmişdi bunu. Çünki mən hesab edirdim ki, bu, sülhə töhfə verəcək, o, öz sələflərinin səhvlərini təkrar etməyəcək, öz siyasətini dəyişəcək. Ancaq o, mənim jestimi yanlış dəyərləndirdi. O, bunu zəiflik əlaməti kimi gördü. Halbuki, bu, güc və böyüklük əlaməti idi. Sonra onun Şuşada məlum rəqsi və məlum bəyanatları bizim təmaslara son qoydu. Əlbəttə, müharibə zamanı da bizim heç bir təmasımız ola bilməzdi”.

[bt_youtube url=”‘https://www.youtube.com/embed/ZFNBxJluFAI’ ” width=”600″ height=”400″ responsive=”yes” autoplay=”no”][/bt_youtube]

 

araz.az

araz.az xəbər portalı.