1615902995 1615869576 0001

Bütün sirlər tərcümeyi-halda gizlənib. Ona görə də kiminlə bağlı yazmaq istəsəniz onun RƏSMİ tərcümeyi-halına baxın.Gundelik-baku.com-un araşdırması zamanı Lerikin deputatı İqbal Məmmədovun rəsmi avtobioqrafiyasına baxanda öncə bir cümlə diqqəti cəlb edir:

“Lerik rayonunun Rəzgov kəndində ZİYALI AİLƏSİNDƏ anadan olub”. Ziyalı ailə söhbəti son illər lap gülünc mövzu olub… Həqiqətən ziyalı ailədə doğulan adam ölkə qanunlarına hörmətsizlik edərmi? Axı, Azərbaycanın ANA YASASINDA yazılıb ki, deputatın, məmurun biznes fəaliyyəti ilə məşğul olması qanunla qadağandır. Bəs, necə olur ki, ziyalı ailədə doğulan deputat İqbal Məmmədov neçə illərdir ki, biznes fəaliyyəti ilə məşğuldur, otelləri, ticarət obyektləri, turizm mərkəzləri və s. Hərənin bəxti bir cürə parlayır. İqbal müəllim, Rövnəq Abdullayevlə tanış olandan sonra bəxt quşu çiyninə qondu. Və deputat oldu.

Təsəvvür edirsiniz, İqbal Məmmədov öz seçicilərinə deyir ki, mənə sizin səsiniz vacib deyil, onsuz da deputat MANDAT-ı cibimdədir. Bu artıq dövləti cinayətdir. Yəni səs versəniz də, verməsəniz də mən DEPUTAT-am. Bunlar azmış kimi İqbal Məmmədov dövlətin rayona ayırdığı maliyyə vəsaitlərini öz şəxsi biznesinə yönəldir, rayonda ən böyük istirahət və turizm mərkəzi olan RELAX cənab deputata məxsusdur. Oxucuların yaxşı yadında olar bu mərkəzdə Vergilər Nazirliyinin əməkdaşlarını əməlli-başlı döydülər. Bəli, deputatın oğlu Mirhəmid İqbal oğlu Nərimanlı və dostları obyektdə yoxlama aparan nazirliyin əməkldaşlarına qarşı müqavimət göstərdilər, zorakılıq etdilər. Düzdür, sonra həmin şəxslər həbs edildi və az müddət sonra azad edildilər.

Yoxlamanın səbəbi nə idi?

27 hektar ərazini əhatə edən, onlarla ictimai-iaşə obyekti olan mərkəz 2019-cu ildə cəmi 972 manat vergi ödəyib. Deməli, bir ilə, yəni 365 günə böləndə bir günə təxminən 2 manat, yəni bir çaynik çayın pulu… Və haqlı olaraq vergi işçiləri mərkəzdə yoxlama keçirmək istəyəndə deputatın oğlu və dostları müqavimət göstəriblər. Mediada yazılanlardan bəlli olur ki, torpağı zəbt olunan, sonra həbs olunan Lerik sakini deputatın əməllərindən bezərək sonda intihar edib. İnsanı ölüm həddinə çatdırmaq ən ağır cinayətdir. Ən vacibi bilirsiniz nədir ? Yaxşı deputatın bu əməllərinə niyə rayon prokurorluğu, polisi, icra başçısı “DUR” demir.

Yaxşı Vergilər Nazirliyinin işçiləri neçə illərdir hara baxırdı? Gundelik-baku.com-a daxil olan məlumata görə Lerik sakinləri işıq, qaz, su, yol sarıdan hər gün dövlət orqanlarına şikayət edir. Ancaq deputat İqbal Məmmədovun bütün obyektlərində qaz da, işıq da, su da var. Bu necə olur axı..?

Vətəndaş üzünü yumağa su tapmır, amma deputatın obyektində hər şey var. Hələ deputatın broyler fabrikindən danışaq… Deməli, broyler fabriki dezinfeksiya olunur və bütün zəhərli maddələr axıdılır çaya. Bununla bağlı video da var. Və körpə balıqlar qırılır. Buna görə, qanunla deputat cavab verməlidir e. Bəlkə deputatın KASPİ YILDIZ şirkətindən danışaq… Nə qədər vergidən yayınma var ?
Gundelik-baku.com-un növbəti yazısında iş adamı Mübariz Mənsimovun həbsində İqbal Məmmədovun ”ROL’‘undan geniş bəhs edəcəyik. //gundelik-baku.com//

araz.az xəbər portalı.