“Azərbaycan Dəmir Yolları” QSC-nin sifarişi ilə Bakıxanov qəsəbəsində inşa edilən yerüstü piyada keçidi qurumun sədri Cavid Qurbanov üçün başağrısına çevrilib.
araz.az Hit.az-a istinadən xəbər verir ki, keçidin tikilməsi nəticəsində Bakıxanov qəsəbəsi, B.Bünyadov küçəsi, 4 ünvanında yerləşən “Azer Mega Response Pazarlama Ltd” emal zavoduna giriş bağlanıb. Fəaliyyətini dayandırmağa məcbur olan müəssisə məhkəməyə müraciət edib.
İddiada piyada keçidinin sökülərək təsdiq edilmiş layihəyə uyğun tikilməsi, yolun bərpasına şəraitin yaradılması xahiş edilib. Lakin 2 saylı Bakı İnzibati-İqtisadi Məhkəməsi iddianı təmin etməyib. Müəssisə Apelyasiya Məhkəməsinə müraciət edib. İş hazırda hakim Raqib Qurbanovun icraatındadır. Məhkəmə martın 19-da yerində müayinə aparacaq.
İş üzrə cavabdeh qismində yalnız “Azərbaycan Dəmir Yolları” QSC deyil. Müəssisə “Körpü Tunel-Tikinti” MMC və “Promota” Mühəndislik ve Müşavirlik A.Ş. şirkətlətini də məhkəməyə verib.
Müəssisənin iddiası təmin ediləcəyi təqdirdə keçid sökülməlidir. Əldə etdiyimiz məlumata görə, piyada keçidinin tikintisi zamanı “Azer Mega Response Pazarlama Ltd” emal zavodunun rəhbərliyi layihənin düzgün hazırlanmadığı barədə “Azərbaycan Dəmir Yolları” QSC-nin rəhbərliyini məlumatlandırıb. Lakin buna əhəmiyyət verilməyib.
“Azer Mega Response Pazarlama Ltd” emal zavodunun təsisçisi “Nooril-İman L.P” adlı ABŞ şirkətidir.
araz.az
araz.az xəbər portalı.
Rusiya Müsəlmanları İdarəsinin QƏRAR-ı: 4-ə QƏDƏR ARVAD ALMAQ OLAR
Çoxarvadlılığa icazə verilməsinə reaksiyalar: “Heç bir dini qərar və ya sərəncam qanundan yuxarıda dura …
