Bir müddət əvvəl Goranboy Rayon İcra hakimiyyətinin başçısı Məhərrəm Quliyevin rayonun Xan Qərvənd kəndində sakinlər və Şəhid ailələri ilə görüşdüyü barədə mediada məlumat yayılmışdı.
Xəbərdən məlum olurdu ki, icra başçısı kənd sakinlərinin problemləri ilə maraqlanıb, kənd qəbristanlığında olub və Şəhidlər xiyabanını ziyarət edib. Məhərrəm Quliyev qəbirstanlıqda və ətrafında abadlıq işlərinin aparılması, şəhidlər xiyabanına gedən yolun asfaltlaşdırılması üçün aidiyyəti şəxslərə müvafiq tapşırıqlarını verib.
Bu gün redaksiyamıza daxil olan məlumata görə, mərkəzi yoldan kənd qəbristanlığına və Şəhidlər xiyabanına kimi olan 4 km yol çox yüksək səviyyədə asfaltlanıb.
Şəhidlər Xiyabanında əsaslı təmir işləri aparılmış, ərazidə gül kolları əkilmiş, torpaqlarımızın bütövlüyü uğrunda şəhid olmuş oğulların məzarlarının ətrafında səliqə-sahman yaradılmışdır.
Əlbəttə, bunların hamısı hər zaman şəhidlərimizə və onların ailələrinə dəyər verən cənab Prezidentimiz İlham Əliyevin göstərdiyi diqqətin bariz nümunəsidir. Onu da qeyd etməliyik ki, bu işdə cənab icra başçısı Məhərrəm Quliyevin, icra başçısının Xan Qərvənd inzibati ərazi dairəsi üzrə nümayəndəsi Adil Şirinovun və kənd bələdiyyəsinin sədri Rövşən Cəlilovun təşəbbüsü və xidməti olub. Və bütün bunlar şəhid ailələri üçün bir təsəllidir. Allah şəhidlərimizə rəhmət eləsin.
araz.az xəbər portalı.
Rusiya Müsəlmanları İdarəsinin QƏRAR-ı: 4-ə QƏDƏR ARVAD ALMAQ OLAR
Çoxarvadlılığa icazə verilməsinə reaksiyalar: “Heç bir dini qərar və ya sərəncam qanundan yuxarıda dura …
