Tovuz Rayon Elektrik Şəbəkədə rüşvət oyunları- ŞOK SƏSYAZISI

Bugünə kimi ölkəmizdə korrupsiya və hər cür əyintilərə qarşı ciddi mübarizə tədbirlərinin həyata keçirilməsinə baxmayaraq, ölkə rəhbəri cənab İlham Əliyevin vəzifə sahibi olan hər kəsə verdiyi tapşırıqlara hələ də dövlət məmurlarından bəziləri ciddi yanaşmırlar. Yəni, yüksək çinli məmurların “arxa-dayaq” olduğu bir çox vəzifə sahibləri, bu gün də xalqın “qanını sormaq”la məşğul olurlar. Əgər bir dövlət məmuru hansısa bir şəxsin Azərbaycan Respublikasının Konstitusiyası ilə qorunan hüquqlarını pozursa, tapdaqlar altına atırsa, get-gələ salırsa, deməli belə bir halların varlığı “RÜŞVƏT” əldə etməyə hesablanmış addımlardır. Belə ki, vətəndaşı aylarla heç bir əsas olmadan süründürürlər ki, sonda vətəndaş bezib qarşı tərəfə “RÜŞVƏT” verməyə məcbur olsun. Vətəndaş öz hüquqlarını qorumaq, bərpa etmək məqsədiilə ölkə Prezidentinə, nazirlərə, aidiyyatı dövlət qurumlarına şikayət məktubları ünvanlasa da, çox zaman həmin məktublara ya cavab verilmir, ya da ki, şikayət ərizələrinin araşdırılması şikayət olunan tərəfin üstünə göndərilir.

[bt_youtube url=”‘https://www.youtube.com/embed/-8ZmGfD86zE’ ” width=”600″ height=”400″ responsive=”yes” autoplay=”no”][/bt_youtube]

    Qeyd olunanlara misal olaraq onu bildirmək istəyirəm ki, 05 yanvar 2021-ci il tarixdə Tovuz “ASAN XİDMƏT” mərkəzinə ərizə ilə müraciət edib, QOVLAR şəhəri, “Təzə məhlə” adı ilə tanınan ərazidə Əhmədov.T.V oğlunun adına rəsmiləşdirilmiş, çıxarışı olan yaşayış evinə elektrik sayğacının quraşdırılması və şəbəkəyə qoşulmasını xahiş etdim. Onu da bildirim ki, belə bir problemin həllinə nail olmaq üçün bu ilin 5 yanvarından 7 aprelinə  kimi olan müddət ərzində, məhz adı çəkilən bu quruma üç dəfə rəsmi qaydada müraciət etməli oldum. Yuxarıda qeyd etdiyim kimi “RÜŞVƏT” almaq məqsədilə hər üç müraciətimə müxtəlif bəhanələr  gətirdilər. İlk əvvəl guya ki, qeyd olunan yaşayış evinin hasarı yoxdur, ona görə də imtina cavabı yazdılar. O halda həmin evə məxsus hasarın olmasını təsdiq edən videoları, şəkilləri “AZƏRİŞIQ”ASC-nə təqdim etdim. Sonuncu cavabda yaşayış evinə məxsus həyətin ortasından 10 kv-luq elektrik xəttinin keçməsini bəhanə edib imtina verdilər. Bu yöndə araşdırma aparılarkən o da məlum oldu ki, 10 kv-luq elektrik dirəyi qeyd olunan yaşayış evindən 30 metr, torpaq sahəsindən isə 3 metr aralı məsafədən keçir. Bu haqqda da video çəkib  aidiyyəti üzrə təqdim etdim. Yenə də imtina cavabı verdilər. Bildirirəm ki, Tovuz “ASAN XİDMƏT” mərkəzinə ərizə ilə müraciət etdiyim ilk gündən, artıq bugünə kimi 109  gün keçib.

    Digər bir halın varlığını da qeyd edim ki, dəfələrlə “AZƏRİŞIQ” ASC-nin 199 çağrı mərkəzinə də şikayətlər etmişəm. 07.04.2021-ci il tarixdə “ASAN XİDMƏT” mərkəzində 10 kv-luq elektrik dirəyinin həyətin ortasında olmasını bəhanə edib imtina cavabı verdilər. Belə bir cavabın verildiyini eşitdikdə təkrar 199 çağrı mərkəzinə zəng etdim və 10 kv-luq elektrik dirəyinin həyətin ortasında deyil, məhz 30 metr aralı məsafədə yerləşdiyini bildirdim. Həmçinin, bununla bağlı lazımi tədbirlər görmələrini də xahiş etdim.  08.04.2021-ci il tarixdə “AZƏRİŞIQ” ASC-nin 199 çağrı mərkəzindən “SMS” aldım və göndərilmiş “SMS”-də qeyd olunurdu: “Hörmətli T.ƏHMƏDOV SİZİN

61293 NÖMRƏLİ MÜRACİƏTİNİZ İLƏ BAĞLI MƏSƏLƏNİZ HƏLL EDİLDİ”. Belə bir “SMS”-dən sonra,  yəni 8 apreldən 21 aprelə kimi bir neçə dəfə Tovuz “ASAN XİDMƏT” mərkəzində olmuşam. Təəccüb doğuran hal odur ki, 199 çağrı mərkəzi 08 apreldə 2021-ci il tarixdə mobil telefonuma “SMS” göndərir və “SMS”-də “Sizin məsələniz öz həllini tapıb” qeyd olunur. “AZƏRİŞIQ” ASC-dən isə, ünvanıma imtina məktubu göndərilir.

   Qeyd edim ki, 21 aprel 2021-ci il tarixdə günün səhər saatlarında “ASAN XİDMƏT” mərkəzində oldum və imtina məktubunu vermələrini tələb etdim. O halda adı çəkilən bu qurumun əməkdaşı mənə bir kağız parçası təqdim etdi və bunun imtina məktubu olduğunu qeyd etdi. Kağız parçasında gün, ay və il göstərilməmişdir. Ona görə də tələb etdim ki, imtina məktubunun təqdim olunduğu tarixi də qeyd edin. Bu məsələ ilə bağlı Tovuz “ASAN XİDMƏT” mərkəzinin bir neçə əməkdaşı ilə danışsam da, onların hər biri imtina məktubuna tarix qoyulmasının onların səlahiyəti xaricində olduğunu və “YUXARILAR”-ın göstərişinin olduğunu bildirdilər. Elə ki, 21 aprel 2021-ci il tarixdə  günün axşam saatlarında “AZƏRİŞIQ” ASC-nin poçt vasitəsi ilə  ünvanıma göndərdiyi imtina məktubunu aldım, o halda məlum oldu ki, “AZƏRİŞIQ”  ASC-nin savadsız məmurları bir daha saxtakarlığa yol verməklə məni  aldamaq qərarına gəlirlər. Yəni, ünvanıma göndərilmiş imtina məktubu 31.03.2021-ci il tarixdə 02/12-15/l /2365 sayla Daxili Nəzarət İdarəsinin rəis müavini Akif Nəbiyev tərəfindən imzalanmışdır.

Məktubda qeyd olunur;-  “ASAN XİDMƏT” mərkəzinə etdiyiniz müraciətiniz əsasında 07.01.2021-ci il tarixdə enerji təchizat müəssisəsinin nümayəndəsi SİZİN iştirakınızla yerində əraziyə baxış keçirmişdir. Baxış zamanı 1974 -cü ildən istismarda olan 10 kv-luq dayağın həyətin ortasında olması və xəttın mühafizə zonasının zəbt edilməsi müəyyən edilmişdir. Bu səbəbdəndə həmin evə elektrik sayğacının quraşdırılmasına və elektrik enerjisinin verilməsinə imtina edilmişdir.

  Belə olan halda ortaya bir neçə suallar çıxır.

  1) Nə üçün yazılmış imtina məktubu 31.03.2021-ci il tarixdə imzalanır, amma ünvanıma 21 aprel 2021-ci il tarixdə çatdırılır? Əgər 07.01.2021-ci il tarixdə “AZƏRİŞIQ”  ASC-nin əməkdaşı yerində baxış keçirmişdirsə, nə üçün həmin vaxtlarda mənə cavab vermədilər?

   2) Nə üçün qeyd olunan yaşayış evinin hasarı, dörd metr enində dəmir qapısının olduğu halda, 05. 01. 2021-ci il tarixdən 07. 04. 2021-ci il tarixə kimi Tovuz “ASAN XİDMƏT” mərkəzindən üç dəfə imtina cavabı verilir?

   3) Nə üçün 07.04. 2021-ci il tarixdə “AZƏRİŞIQ”  ASC birdənbirə fikrini dəyişir və 10 kv-luq elektrik dirəyinin həyətin ortasında olmasını iddia etdi? Hansı ki, elektrik dirəyi yaşayış evindən 30 metr, torpaq sahəsindən isə 3 metr aralı məsafədən keçir.

Ümumiyyətlə, bu yöndə suallar olduqca çoxdur, son məqsəd də məlumdur. Vətəndaşları süründürmək, get-gələ salmaq, müxtəlif bəhanələr gətirmək,  aylarla problemi həll etməmək və sonda vətəndaş rüşvət verməyə məcbur etmək və s. . . . . .

 Vaqif ƏHMƏDOV,

araz.az xəbər portalının xüsusi müxbiri.

araz.az xəbər portalı.