zərbaycanda dövlətdən maliyyələşən təşkilatların sifarişçi olduqları dövlət satınalmalarında korrupsiya hallarının olması barədə yerli mediada uzun illərdir ki, yazılır.
Bu cür satınalmalarda korrupsiya faktlarının əsas predmetləri qiymətlərin şişirdilməsi, əvvəldən sövdələşmə hallarının olması və saxta şirkətlərin qalib elan edilməsidir.
Azərbaycan Respublikasının Dövlət Satınalmaları Haqqında qanununa görə isə satınalmalarda iştirak edən təşkilatların tender komissiyalarına təqdim edəcəyi sənədlərdən biri də vergi borcunun olmaması barədə müvafiq rəsmi qurumların arayışının olmasıdır.
Qlobal.az xəbər verir ki, yuxarıda qeyd edilən neqativ məqamların bir çoxunun yer aldığı satınalmalardan birini də Salyan rayon Gənclər və İdman İdarəsi həyata keçirib. Belə ki, Salyan rayon Gənclər və İdman İdarəsinin 2021-ci ilin mart ayının 9-da yekun vurduğu iki lot üzrə satınalmanın ümumi məbləği 42.725 manat təşkil edib. Qurumun “medal və kubokların alınması” (smeta 20.600) və “hədiyyələrin alınması” (smeta 22.125) lotu üzrə sifarişçi olduğu hər iki satınalmanın qalibi “H-ARAL” Məhdud Məsuliyyətli Cəmiyyəti (MMC) olub.
Beş manat nizamnamə kapitalı olan şirkətin hüquqi ünvanı Salyan şəhəri, Y. Zargərli, ev 30 ünvanıdır.
Şirkətin qanuni təmsilçisi Mənsimov Hüseynqulu Xanəli oğludur.
Hüseynqulu Mənsimov əvvəllər Salyan rayon İcra Hakimiyyətinin başçısının müavini Sosial-iqtisadi inkişafın təhlili və proqnozlaşdırılması şöbəsinin müdiri vəzifəsində çalışıb.
“H-ARAL” MMC-nin fəaliyyət profili və hansi lisenziya və sertifikatlara, eləcə də rəsmi işçi qüvvəsinini sayı barədə məlumatlara rast gəlinmir.
Ölkədə koronavirus pandemiyasının geniş yayıldığı, bütün kütləvi tədbirlərin ləğv edildiyi bir dönəmdə Salyan rayon Gənclər və İdman İdarəsinin “medal və kubokların alınması” və “hədiyyələrin alınması” kimi təkrarçı satınalma həyata keçirməsi bir sıra şübhələrə yol açır.
Qalib elan edilən şirkətin vergi borcunun olması və ən əsası bu şirkətin qanuni təmsilçisinin əvvəllər Salyan rayon İcra Hakimiyyətində yüksək vəzifə tutması şübhəli məqamları daha da artırır.
Qeyd edək ki, regionlarda fəaliyyət göstərən idarə və müəssisələrin sifarişçi olduqları satınalmalarda “otkad” hallarının olması barədə geniş məlumatlar yayılır.
Bu cür məlumatlardan biri də ötən ilin may ayında yayılmışdı. O zaman Dövlət Təhlükəsizlik Xidmətinin İmişli rayon İcra Hakimiyyətinin başçısı Vilyam Hacıyevin həbsi istiqamətində həyata keçiridiyi xüsusi əməliyyatın videosunda danışan tikinti şirkətinin sahibi Səyalı Səfərova qalib olduğu tenderin məbləğinin 30 %-ni icra başçısına “otkad” formasında verdiyini deyirdi.
araz.az xəbər portalı.
Rusiya Müsəlmanları İdarəsinin QƏRAR-ı: 4-ə QƏDƏR ARVAD ALMAQ OLAR
Çoxarvadlılığa icazə verilməsinə reaksiyalar: “Heç bir dini qərar və ya sərəncam qanundan yuxarıda dura …
