yonca12

“Kənd təsərrüfatında sürətlə artan xərclərə dözə bilməyən, bazarın məhdud, alıcılıq qabliyyəti aşağı olmasından istehsal etdiyi məhsulu bəzən maya  dəyərindən ucuz satan kəndlilər mövcud  durumdan çıxış yolunu pay torpaqlarını satmaqda görürlər. Onlar kütləvi sürətdə şəxsi pay torpaqlarını satıb, canlarını bu əziyyətli və səmərəsiz işlərdən qurtarmağa çalışırlar”.

araz.az-ın xəbərinə görə, bunu ekspert Qubad İbadoğlu deyib.

“Dövlət Statistika Komitəsinin məlumatına görə, 2021-ci ilin aprel ayı 2020-ci ilin aprel ayına nisbətən kənd təsərrüfatı məhsullarının istehsalçı qiymət indeksi 102,1 faiz, sənaye məhsullarının istehsalçı qiymət indeksi 272,6 faiz, istehlak qiymətləri indeksi 104,3 artıb. Göründüyü ki, kənd təsərrüfatı istahsalında qiymət bahalaşması cüzi olub, lakin xərclər sürətlə artmaqdadır. Baxın, kəndlilər  ötən il yonca sahələrinin 1 hektarını 25 manata biçdirdikləri halda bu il həmin xərc 30 manata artıb. Kəndlilər biçilən otu  toplamaq üçün ötən il hər hektara 15 manat, bu il 20 manat, presləmək üçün 1 kipə görə ötən il  20 qəpik, bu il isə 30 qəpik ödəmək məcburiyyətindədir.  Xərclərin artmasına baxmayaraq, 1 ot kipinin satış qiyməti 1-ci üzdə ötən ilki 2,7 manatdan  bu il 2,0-2,5 manata qədər ucuzlaşıb. Bununla yanaşı doyunca sulanmayan yonca sahələrində məhsuldarlıq göstəriciləri də aşağı düşüb. Dizel yanacağının bahalaşması səbəbindən xidmət xərcləri artıb. Bütün bunlar kəndliləri təsərrüfatlardan çəkindirir, torpaqlarını satmağa məcbur edir. Hazırkı aqrar siyasətin məqsədi kiçik təsərrüfatları sıradan çıxarmaq, torpaqları ələ keçirmək, kəndlini də çörəyə də möhtac qoymaqdır” – Q.İbadoğlu qeyd edib.

 

 

araz.az

araz.az xəbər portalı.