Azərbaycan bayraqları İtaliya – Türkiyə oyununa niyə buraxılmadı? – AÇIQLAMA

Qarşılaşma İtaliya və Türkiyə milliləri arasında baş tutur.

Ancaq bu oyunun keçiriləcəyi Romanın “Olimpiko” stadionuna Azərbaycan bayraqları ilə daxil olmaq istəyən bir qrup həmyerlimiz “sürpriz”lə üzləşib. Belə ki, arenaya yalnız Türkiyə və İtaliya bayraqlarının daxil edilməsinə icazə verilib və digər bayraqlar stadionun giriş hissəsində qalmalıdır.

araz.az zafertv.az-a istinadən xəbər verir ki, “Milli dəstə” azarkeş qrupunun rəhbəri Şamil Mustafayev Offsideplus.az-a açıqlamasında bunun UEFA-nın təhlükəsizlik qərarı ilə bağlı olduğunu deyib:

“Bu oyunda ancaq Türkiyənin və İtaliyanın bayraqlarını dalğalandırmağa icazə var. Bu, UEFA-nın dünən qəbul etdiyi təhlükəsizlik qərarı ilə bağlıdır. Biz bayrağımızı stadiona keçirmək istəsək də alınmadı. Ancaq dövlət atributumuzu çöldə təhlükəsiz yerə qoymağımızı da təmin etdilər”.

 

araz.az xəbər portalı.

araz.az xəbər portalı.