Dilqəmlə Şahbazın yatdığı Şuşa türməsinin heç yerde olmayan görüntüləri – VİDEO

Azərbaycanın işğal edilmiş Dağlıq Qarabağ ərazisində yerləşən Şuşa həbsxanasının görüntüləri yayılıb

Azərbaycanlı girovlar Dilqəm Əsgərov və Şahbaz Quliyevin saxlanıldığı Şuşa zindanının görüntüləri yayılıb.

Fotolardan görünür ki, həbsxanada məhbuslar üçün şərait çox acınacaqlı səviyyədədir. Həbsxana 1984-cü ildə təmir olunub. Məhbusların saxlanıldığı kameralarda bütün əşyalar sınıq-sökük vəziyyətdədir. Cəzaçəkmə müəssisəsində 350 məhbus saxlanılır. Azərbaycanlı girovların da bu həbsxanada saxlanıldığı bildirilir.

Xatırladaq ki, ötən ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər. Onların yanında olan Həsən Həsənov isə qətlə yetirilib.
Separatçı Dağlıq Qarabağ rejiminin “məhkəməsi” dekabrın 19-da D.Əsgərovun ömürlük, Ş.Quliyevin isə 22 il müddətinə azadlıq məhrum edilməsi barədə “hökm” çıxarıb. Azərbaycan tərəfinin girovlarımızın təcili şəkildə azadlığa buraxılması ilə bağlı beynəlxalq təşkilatlar qarşısında qaldırdığı tələblərə hələ də əhəmiyyət verilmir.

[bt_youtube url=”https://youtu.be/Ul-vRwi2f9E” width=”600″ height=”400″ responsive=”yes” autoplay=”no”][/bt_youtube]

 

araz.az xəbər portalı.