1632077871 lacin dehlizi 2Azərbaycan-Rusiya danışıqlarının növbəti mərhələsində Qarabağ nizamlanmasının iki vacib məsələsi praktiki olaraq öz həllini tapıb: SSRİ-nin xəritələri əsasında Azərbaycanla Ermənistan arasındakı sərhədin demarkasiya və delimitasiyası və Zəngəzur dəhlizinin Rusiya və Ermənistan sərhədçilərinin nəzarəti altında açılması. Bu barədə Ermənistanın hraparak.am saytı məlumat yayıb.

Qeyd olunur ki, dəhliz boyu sərhəd keçid məntəqələri quraşdırılacaq və azərbaycanlılar yoldan istifadə haqqını ödəyəcəklər. Hətta rəqəm də açıqlanır – ildə 150 milyon dollar.

Azərbaycan sərhədçilərinin nəzarətinə keçən Gorus-Qafan yoluna gəlincə, erməni KİV-lərinin yazdığına görə, Rusiya tərəfi, Tatev-Qafan dolama yolunun tikintisini maliyyələşdirəcəyinə söz verib. Eyni zamanda danışıqlarda “Artsax” anlayışı heç bir formada qeyd olunmur.

Nəşr həmçinin yazır ki, parlamentin müdafiə komissiyasının sədri Andranik Köçəryanın bu məlumatları nə təsdiq, nə də təkzib etməyib və qeyd edib ki, “bütün addımlar sülh dövrünün qurulmasına gətirib çıxaracaq”.

Reyting.az xəbər verir ki, iu informasiyanı virtualaz.org-a şərh edən Milli Məclisin deputatı Vahid Əhmədov Ermənistanın Zəngəzur yolundan istifadəyə görə Azərbaycandan 150 milyon dollar almaq ümidlərini gülünc adlandırıb.

“Bu, yanlış məlumatdır və bu, Daxili İşlər Nazirliyi, Dövlət Gömrük Komitəsi və Dövlət Sərhəd Xidmətinin Azərbaycan ərazisindən keçən İran yük maşınlarına hüquqi nəzarət qurması ilə əlaqədardır. İndi də ermənilər öz ictimaiyyətini əmin etmək istəyirlər ki, guya Azərbaycanla Naxçıvan arasındakı tranzitdən milyonlar qazanacağıq”, – millət vəkili vurğulayıb.

Əhmədovun qeyd etdiyi kimi, birincisi, Zəngəzur dəhlizinə Ermənistan yox, Rusiya FTX-nın sərhədçiləri nəzarət edəcək, ikincisi, bu yol beynəlxalq istifadədə olacaq, xüsusən də Rusiya, İran və digər ölkələr tərəfindən. Üstəlik, Azərbaycan tezliklə Qarabağ bölgəsinin təhlükəsizliyi üçün vacib olan Laçın dəhlizinə nəzarəti tamamilə bərpa edəcək.

“Ümumiyyətlə demarkasiya və delimitasiyaya gəldikdə, bu prosesin obyektiv şəkildə, yəni SSRİ xəritələrində uyğun aparılması nəzərdə tutulur. Bu, bölgədə sülhün bərqərar olması baxımından çox vacib faktorudur. Əlbəttə ki, Zəngəzur yolu eyni vaxtda açılacaq, amma hansısa ödənişlər haqqında bütün söhbətlər, Azərbaycanın Gorusda qanuni bir nizam qurmasından qəzəblənən erməni mediasının uydurmasıdır. Bu yol İkinci Qarabağ müharibəsində azad edilmiş Azərbaycan ərazisindən keçir”, – deyə millət vəkili vurğulayıb.

 

 

araz.az xəbər portalı.

araz.az xəbər portalı.