“Azərbaycan Ordusu cəmi 44 günə 30 ildir işğal altında olan torpaqlarımızı düşməndən azad etdi. Ona görə də, Zəfər Günü xalqımız üçün çox böyük bayramdır. Bu münasibətlə bütün Azərbaycan xalqını təbrik edirəm”.
araz.az bildirir ki , bu sözləri “Qafqazinfo”ya açıqlamasında Azərbaycanın eks-prezidenti Əbülfəz Elçibəyin oğlu Ərturqut Əliyev deyib.
Sabiq dövlət başçısının oğlu qələbə sevincini bizə yaşadan şəhid və qazilərimizə borclu olduğumuzu bildirib: “Bu qələbəni şəhidlərimiz öz qanları bahasına qazandılar. Biz torpaqlarımızın bütövlüyünü şəhid və qazilərimizə borcluyuq. Qoy bütün şəhidlərin ruhu şad olsun. Mən Azərbaycan vətəndaşı kimi Ali Baş Komandan İlham Əliyevə məktub yazaraq Zəfər Günü münasibətilə təbrik etmişəm”.
Zəfər Günü münasibətilə keçirilən tədbirlərdə iştirakına gəlincə isə, Ərturqut Əliyev hər hansı tədbirə dəvət almadığını bildirib:
“Hələ ki, Zəfər bayramı münasibətilə keçirilən tədbirlərə dəvət olunmamışam. Amma eks-prezident ailəsinin üzvü olaraq dövlətçiliklə bağlı istənilən tədbirdə hər zaman iştirak eləməyə hazıram”.
araz.az xəbər portalı.
araz.az xəbər portalı.
24 partiya təyyarə qəzası ilə bağlı birgə bəyanat yaydı — MƏTN/SİYAHI
Azərbaycanda fəaliyyət göstərən siyasi partiyalar AZAL-ın Bakı-Qroznı reysini yerinə yetirən “Embraer 190” tipli sərnişin …
