Narkomafiya şəhərləri bağlayıb, öldürülənlər var

“Körfəz klanı” kimi tanınan narkomafiya Kolumbiyanın şimalında onlarla şəhəri dörd gün müddətinə bağlayıb. Buna səbəb narkomafiya liderlərinin mühakimə üçün ABŞ-a ekstradisiyasıdır.

araz.az-ın məlumatına görə, mafiyanın “Silahlı dayandırma” qərarı “Körfəz klanı”nın lideri, Otoniel kimi tanınan Dairo Antonio Usuqanın narkotik ticarəti ittihamı ilə ABŞ-a ekstradisiyasından sonra verilib. Bununla bağlı vərəqələrdə və “WhatsApp”da xəbərdarlıq mesajları da paylaşılıb.

Narkomafiyanın şəhərlərdə “Evdən çölə çıxma!” əmrinə əməl etməyənlərin acı sonluqla üzləşmələri ilə bağlı xəbərdarlıqdan sonra futbol komandalarından biri matça getməkdən imtina edib. Bununla yanaşı məktəblər bağlanıb, şəhərlərarası avtobusların hərəkəti dayandırılıb və peşəkar futbol oyunu təxirə salınıb.

Xatırladaq ki, özünü “Kolumbiyalı Özünümüdafiə Qüvvələri” adlandıran “Körfəz klanı”nın son lideri Otoniel uzun müddətdir ABŞ Narkotiklərlə Mübarizə İdarəsinin ən çox axtarılan şəxsləri siyahısında birinci yerdədir. Otoniel ilk dəfə 2009-cu ildə Manhetten federal məhkəməsində narkotik cinayətlərinə görə ittiham edilib və ABŞ hökuməti tərəfindən terror təşkilatı kimi tanınan ifrat sağçı paramilitar qrupa yardım göstərməkdə ittiham olunub. Bruklin və Mayami federal məhkəmələrində sonrakı ittihamnamələr onu 2003-2014-cü illər arasında ABŞ-a ən azı 73 ton kokain keçirməkdə ittiham edib.

Analitiklərin fikrincə, mafiyanın bir neçə şəhəri bağlamaq qabiliyyəti hökumətin narkotik ticarəti qruplarına qarşı uzunmüddətli mübarizəsindəki çatışmazlıqları göstərir.

Beynəlxalq Böhran Qrupunun baş analitiki Elizabet Dikinson deyib ki, təkcə yüksək profilli hədəflərə diqqəti yönəltmək mülki şəxslərin təhlükəsizliyini təmin etmək üçün kifayət deyil.

Kolumbiyanın “İndepaz” analitik mərkəzinin rəhbəri Camilo Qonzales deyib ki, narkotik ticarəti Otonielin tutulması ilə bitməyəcək: “Onlar Pablo Eskobarı tutduqları zaman narkotik alverinin bitəcəyini söylədilər və bu gün əvvəlkindən daha çox insan alveri var”.

Kolumbiya Müdafiə Nazirliyinin məlumatına görə, dörd gün davam edən dayandırma zamanı üç mülki şəxs və üç polis əməkdaşı həlak olub, 180-dən çox avtomobil yandırılıb. Kolumbiya hökuməti ilə “Kolumbiya İnqilabçı Silahlı Qüvvələri”nin üsyançı qruplaşması arasında 2016-cı ildə imzalanmış sülh sazişindən sonra yaradılmış Sülh üçün Xüsusi Yurisdiksiya Məhkəməsi daha həyəcanverici rəqəmlər açıqlayıb. Məhkəmə, şimaldakı Choco, Sucre, Bolivar, Antioquia və Cordoba əyalətlərindəki 138 bələdiyyədə insanları evdə qalmağa məcbur edən “Körfəz klanı”nın hakim olduğu ərazilərdə 24 mülki şəxsin öldürülüb.

Təxminən 500.000 əhalisi olan əyalət paytaxtı Monteriyada ticarət dörd gün dayanıb. Bazar günü yerli “Jaguares” komandası ilə “Medellin” klubu arasında futbol oyunu təxirə salınıb, qonaq komandanın avtobusları mafiyanın hücum təhlükəsi səbəbi ilə Monteriyaya getməkdən imtina edib.

Kolumbiya səlahiyyətliləri, mafiya qərarından təsirlənən ərazilərdə mülki əhalinin təhlükəsizliyini təmin etmək üçün 5 min əsgər yerləşdirdiklərini bildirərək, insidenti azaltmağa çalışıblar. Prezident İvan Duke israr edib ki, mafiya üzvlərinin hərəkətləri yerli əhalini qorxutmaq məqsədi daşıyan “təcrid olunmuş insidentlərdir”, təşkilat indi zəifləyib və onun rəhbərliyi arasında parçalanma var. Polis mafiyanın yeni liderləri kimi tanınan üç nəfərin tutulması üçün 1 milyon dollardan çox mükafat təklif edib, lakin müxaliflər təşkilatın dağılmaqdan çox uzaq olduğunu bildirir.

“Hökumət əsas liderləri sıradan çıxara bilər, lakin bu təşkilat siyasətçiləri və çirkli pulları yuyanları özündə birləşdirən mafiya şəbəkəsidir. Bu şəbəkə həm də insan alveri, qeyri-qanuni qızıl hasilatı və digər qanunsuz bizneslə məşğuldur”, – deyə analitik Qonzales bildirib.

araz.az xəbər portalı.

araz.az xəbər portalı.