Ramazan Bayramınız Mübarək, Əziz Həmvətənlərimiz və Dəyərli Soydaşlarımız!

On bir ayın sultanı olan bu mübarək ayda, Böyük Allah qarşısında vicdani borcunu yerinə yetirmək fürsətindən faydalanan, mənəvi kamilliyin nəfs üzərində qələbə sevincini yaşayan dəyərli qardaş və bacılarımiz!               

Öncə, mərhəmət, xeyirxahlıq, yüksək əxlaqi hiss, mənəvi paklıq, saf düşüncə,.. rəmzi,   bütövlük, həmrəylik, vəhdət, sülh, əmin-amanlıq,.. təcəssümü olaraq, ən yüksək dəyərlər zirvəsinin pik nöqtəsində özünə əbədi yer tutan müqəddəs Ramazan bayramı münasibətilə Sizi  ürəkdən təbrik edir,    xalqımızın və dövlətimizin əmin-amanlığı, tərəqqisi naminə etdiyiniz dualara   həmrəy olduğumuzu  bildirir, xoş istək və niyyətlərinizin Ulu Tanrı dərgahında qəbulunu və tezliklə gerçəkləşməsini diləyirik; Qoy, tarixi ənənələrin, mütərəqqi islami və mənəvi-əxlaqi dəyərlərin qorunması istiqamətində böyük ruh yüksəkliyi, onlara daha möhkəm bağlılıqda yorulmazlıq, milli köklərimizə sadiqlikdə sarsılmaz mübarizə əzmi, yüksək vətənpərvərlik əbədi nailiyyətiniz, ailələrinizə xoşbəxtlik, firavan həyat,  süfrələrinizə xeyir-bərəkət daimi qazancınız olsun!                              

İlahi hikmətlər xəzinəsi  Qurani-Kərimin nazil olduğu bu müqəddəs ayın, yüksək könül xoşluğu düzənində rahatlıqla yola saldığımız və ən xoş niyyətlərimizin təntənəsinə çevrilən Orucluq mərasimləri də, tezliklə sizə möhkəm cansağlığı və tükənməz həyat enerjisi bəxş etsin, bədəninizə yüksək dözüm gətirsin.

Xeyirli sabahlar, ruzili axşamlar diləyi və  səmimi duyğularla, 
“Araz” Media Qrupunun və araz.az xəbər portalının kollektivi.

araz.az xəbər portalı.