Qərbi Azərbaycan İcması və Dövlət Agentliyinin rəhbərliyi arasında görüş keçirilib

Qərbi Azərbaycan İcmasında icmanın rəhbər heyəti ilə Qeyri-Hökumət Təşkilatlarına (QHT) Dövlət Dəstəyi Agentliyinin rəhbərliyi arasında görüş keçirilib.

araz.az xəbər verir ki, icmanın İdarə Heyətinin sədri, millət vəkili Əziz Ələkbərli qonaqları salamlayaraq Agentlik tərəfindən göstərilən marağı və diqqəti yüksək qiymətləndirdiyini bildirib.

Qeyri-Hökumət Təşkilatlarına Dövlət Dəstəyi Agentliyinin İcraçı direktoru Aygün Əliyeva çıxış edərək qarşıda görüləcək işlərlə bağlı İcmaya uğurlar arzuladığını dilə gətirib.

Görüş zamanı Qərbi Azərbaycan İcması ilə Qeyri-Hökumət Təşkilatlarına Dövlət Dəstəyi Agentliyi arasında əməkdaşlıq məsələləri müzakirə edilib.

Qeyd edək ki, görüşdə İcma sədri ilə yanaşı, sədrin müavinləri, millət vəkili Ramil Həsən, millət vəkili Hikmət Babaoğlu, Qəyyumlar Şurasının sədri Mürvət Həsənov, Qadınlar Şurasının sədri, millət vəkili Məlahət İbrahımqızı, İcmanın sözçüsü Ülviyyə Zülfiqar, Agentliyin əməkdaşları iştirak ediblər.

araz.az xəbər portalı.