Bakıda taksi şirkətləri qiyməti qaldırır? – Açıqlama

Bu gündən etibarən ictimai nəqliyyatda olan qiymət dəyişikliyi taksilərin qiymətinə təsir edəcəkmi?

Məsələ ilə bağlı Realliq.az-ın taksi şirkətləri arasında keçirdiyi sorğunu təqdim edirik:

“Salam taksi” (*9933): “Qiymət artımının olacağı ilə bağlı heç bir məlumatımız yoxdur”.

“Bumeranq taksi” (*9333): “Qiymətin artırılması ilə bağlı heç bir təlimat verilməyib”.

“Ekonom taksi” (*9111): “Metro və avtobuslarda qiymətin qalxması taksilərdə qiymət dəyişikliyinə səbəb ola bilməz”.

“Ulduz taksi” (*5000): “İctimai nəqliyyatlara tətbiq olunan qiymət artımının bizim şirkətə heç bir təsiri olmayacaq. Qiymətin artırılması ilə bağlı hər hansı tapşırıq olmayıb. Olacağı da gözlənilmir”.

“Feliks Taksi” (*5959): “Bizim şirkətdə qiymət artımı gözlənilmir”.

“Taksi24” (*2424): “Metro və avtobuslarda qiymət artımının taksilərə heç bir təsiri olmaz”.

“Ailə taksi” (*8555): “Şirkətdə qiymət artımı deyil, qiymətlərin aşağı salınması gözlənilir”.

araz.az xəbər portalı.