Planetin ən yaşlı qadını çox yaşamağın sirrini açdı

Rambler.ru xəbər verir ki, Boliviyada planetin ən yaşlı qadınını aşkar ediblər. Onunla Associated Press-in jurnalistləri söhbət edib.

Xulia Flores Kolke 26 oktyabr 1900 – cu ildə hindu ailəsində anadan olub. Uşaqlığı dağlarda, çobanların arasında keçib, sonra şəhərə gəlib və qocalana kimi özünün yetişdirdiyi meyvə-tərəvəzi satmaqla məşğul olub.

Kolke deyir ki, sağlam qida onun uzunömürlülüyünün sirri sayılsa da həyatda başqa nüanslar da çox yaşamağa kömək edir. Kolke söhbət zamanı ölkəsində qadınların həyatının ağır keçdiyini, kişilərin, konkret olaraq ərlərinin onlara faktiki zülm verdiklərinin şahidi olub və qərara alıb ki, nə ərə gedəcək, nə uşaq doğacaq. O çox yaşamasının bir sirrini də ərə getməməyində görür.

Kolke milli musiqi alətində çalır, özü üçün mahnılar oxuyur. Kolkeyə bacısı qızının 65 yaşlı nəvəsi baxır.

Boliviyalı qadın bu gün faktiki dünyanın ən yaşlı qadınıdır. Ginnesin rekordlar kitabının nümayəndələri isə deyir ki, Kolkedən hələ ərizə daxil olmayıb. Yaşadığı Skabe şəhəri Kolkeni “canlı irs” adlandıb. Hökümət isə qadının evini təmir edib.
Moderator.az

araz.az xəbər portalı.