“Göyçay rayon Suvarma Sistemləri İdarəsinin müdiri vəzifəsini icra edən Orxan Mahmudov dövlətin ayırdığı vəsaiti özünü təriflətməyə xərcləyir.
Belə ki, 3 ay əvvəl Göyçay rayon Suvarma Sistemləri İdarəsinin müdiri vəzifəsini icrasını Orxan Mahmudova həvalə ediblər. Orxan Mahmudov əvvəllər bankda işləyib, yol verdiyi nöqsana görə işindən qovulub. İxtisası meliorasiya və suvarma sahəsinə aid deyil, bu sahədən heç bir anlayışı da yoxdur. O, işinin öhdəsindən gələ bilmədiyi üçün rayonda ciddi narazılıqlar yaradıb deyə barəsində çoxlu şikayətlər var. Orxan Mahmudov bunun qarşısını alıb mərkəzi orqanları aldatmaq üçün yeni üsula əl ataraq küllü miqdarda pul xərcləyir”. araz.az bildirir ki, bu barədə dia.az-a Göyçaydan göndərilən müraciətdə deyilir.

Müraciət müəllifləri daha sonra yazır: “Belə ki, Orxan Mahmudov idarəyə məxsus bir neçə texnikanı eyni kanalın təmizlənməsində istifadə edir, video və foto şəkillər çəkdirib muzdlu torllar vasitəsi ilə sosial şəbəkələrdə və oxucusu olmayan reket saytlarda yaydırmaqla məşğul olur. Buna isə kifayət qədər vəsait xərclənir. Hətta idarəyə məxsus texnikaları onu tərifləyənlərin şəxsi təsərrüfatlarında, həyətyanı sahələrində şəxsi işlərə cəlb edir. Göyçay rayon Suvarma Sistemləri İdarəsində əməlli başlı özbaşınalıq baş alıb gedir. Hansı ki, özünü təriflətmək üçün trollara, yaltaqlara xərclənən vəsait hesabına çoxlu sayda su kanallarını təmizləmək olardı. Göyçay rayonunun Çərəkə, Müskürlü, Malllı-Şıxlı, Qaraman və digər kəndlərində kanallar təmizlənmədiyi üçün kənd sakinləri susuzluqdan əziyyət çəkirlər.

Orxan Mahmudov yeni yaradılacaq Göyçay Su Ehtiyatları İdarəsinə müdir təyin olunmaq üçün belə saxtakarlıqlara əl ataraq Azərbaycan Dövlət Su Ehtiyatları Agentliyinin sədri cənab Zaur Mikayılovu aldadır. Hər şey isə göz önündədir. Göyçay rayon Suvarma Sistemləri İdarəsində hərc-mərclik baş alıb gedir. Orxan Mahmudova bu vəzifənin icrası həvalə edilən kimi o, qohum-dost və tanışlarını vızifəyə gətirdi. Hansı ki, həmin adamlar bu sahənin kadrları deyil, bu sahədən anlayışları qətiyyən yoxdur. Təcrübəli kadrlar işdən çıxmağa məcbur edilir, bəziləri isə qanunsuz olaraq nöqsanla işdən çıxarılıblar.

Orxan Mahmudov məclislərin birində deyib ki, “Danışılıb pul çatdırılıb, yeni yaradılacaq Göyçay Su Ehtiyatları İdarəsinə özüm müdir təyin ediləcəm”. Meliorasiya və suvarma sahəsindən heç bir anlayışı olmayan Orxan Mahmudovu düşündürən ancaq və ancaq nəyin bahasına olursa, olsun dövlət vəsaitini talayaraq kapital əldə etməkdir. Bu isə ağır nəticələrə gətirib çıxaracaq.

Qeyd edək ki, Göyçay rayon Suvarma Sistemləri İdarəsinin bundan əvvəl müdiri Şakir Əhmədov olub. Əslində camaat gözləyirdi ki, Şakir Əhmədov törətdiyi cinayət əməllərinə görə həbs edilib cəzalansın, ancaq işdən çıxarılmaqla canını qurtardılar. Necə deyərlər biri itdi, biri bitdi. Bir korrupsioneri digəri ilə əvəz etdilər. Yenə də köhnə hamam,köhnə tas. Orxan Mahmudov yeni yaradılacaq Göyçay Su Ehtiyatları İdarəsinə müdir vəzifəsinə təyin edilmək üçün bir iki saxta işlər görüb özünü hələki reklam edir. Vəzifəyə təyinat alandan sonra veridyi pulları çıxarmağa çalışacaq.

Ümüd edirik ki, Azərbaycan Dövlət Su Ehtiyatları Agentliyinin sədri cənab Zaur Mikayılov onun bu bəd niyyətinin kerçəkləşməsinə imkan verilməyəcək”.

Hə bir də ki, şərh bölümündə həqiqəti yazan insanlar istisna olmaqla, bütün təhqirə yol verənlər, yaltaq və trollar bloka atılacaqdır…

araz.az xəbər portalı.

araz.az xəbər portalı.