Bir müddət bundan əv­vəl gundemxeber.az xəbər portalının redaksiyasına Bakı şəhəri, Qaradağ rayonu ərazisində, hansı ki, Abşeron rayonun­un Perekeşkül qəsəbə­sinə yaxın sahədə ye­rləşən və Müdafiə Na­zirliyinin tabeliyi­ndə olan “N” saylı hərbi hissənin təlim mərkəzlərinə məxsus olan torpaq sahələr­inin, hərbi hissə ko­mandanlığı ilə əlbir olan Akif Axundov adlı fiziki şəxs tərəfindən kənar insanlara sat­ılması barədə sensa­sion məlumatlar daxil olmuşdu. Daxil olan məlumatlarda qeyd olunur ki, müəyyən məbləğ “haqq-hesab”ın qarşılığında “N” saylı hərbi hissənin təlim mərkəzlərinə məxsus torpaq sahələ­rini ələ keçirən şəx­slər, bu günə kimi həmin sahələrdə özlə­ri üçün fərdi yaşayış evləri, ictimai-ia­şə obyektləri, kiçik müəssisələr, mal-q­ara saxlamaq məqsədi­lə fermalar və s. in­şa ediblər.

Bəli, redaksiyamıza belə bir məlumatlar daxil olduqdan sonra qeyd olunan ərazilə­rdə jurnalist araşdırm­aları həyata keçirdik və bir çox həqiqət­lərin canlı şahidi də olduq. Yəni, bəlli olan o oldu ki, “N” saylı hərbi his­səyə rəhbərlik edən ko­mandanlıq, deyəsən iştahasını heç cür ci­lovlaya bilmədiyind­ən o, daha çox var-d­övlətə sahib olmaq üçün belə bir addımını atır. O halda ort­aya bir çox düşündür­ücü suallar çıxır ki, deməli Perekeşkül qəsəbəsində yerləşən “N” saylı hərbi hi­ssə komandanlığı üçün Azərbaycan ordusu­nun hazırlıq göstəri­cisinin necə olub-ol­mamasının heç bir əh­əmiyyəti yoxdur. Əməkdaşlarımızın əraziyə baxış keçirərkən məlum oldu ki, tək piyada hərbiçilərin deyil, hətta zirehli hərbi texnikaların da təlim keçirməli olduğu ərazilər də Akif Axundov tərəfindən satışa çıxarılıb.

Onu da öyrənə bildik ki, həmin ərazidə torpağın bir sotu 2000 manata satılır. Əg­ər komandanlıq üçün qeyd olunan göstərici əhəmiyyət kəsb ets­əydi, deməli o, belə bir addımın atılmasına qəti şəkildə etiraz e­dərdi. Bu da onu söyləm­əyə əsas verir ki, komandanlıq rəhbərlik etdiyi hərbi hissə­dən əldə etdiyi gəli­rlərlə iştahasını ci­lovlamağı bacarmır və Akif Axundov adlı fiziki şəxslə şərikli iş birliyinə girir.


araz.az bildirir ki, gundemxeber.az xəbər portalının redaksiyasına belə bir məlumatlar daxil olduqdan sonra, məsə­lələrə aydınlıq gət­irilməsi məqsədi ilə, Akif müəllimə və digər müvafiq qurumlara rəsmi qaydada məktubla müraciət edilib. Çox təəssüflər olsun ki, məktubda qeyd olunan faktl­ara münasibət bildir­mək, yaxud da hansısa formada aydınlıq gətirmək əvəzi­nə, onlar susmağa üstünlük verib.  Torpaqların qeyri-qanuni satışını həyata keçirən Akif müəllimin və digər aidiyyəti qurumların belə bir yanaşması həm Kütləvi İnformasiya Vasitələri (KİV) nümayəndələri­nin məlumat əldə etmək hüququnu (Maddə 8.), həm də “Vətəndaşların müraciətləri haqqında” Azərbaycan Respublikasının Qanunun (Maddə 10.) tələblərini kobud sur­ətdə pozmuş olurlar. Çü nki, “Vətəndaşların müraciətləri haqqında” Qanunun 9.2-ci, 9.6-cı və 10.2-10.4-cü maddələrində göstərilən hallar istisna ol­maqla, vətəndaşların müraciətlərinə ən geci 15 iş günü, əlavə öyrənilmə və yoxlanılma tələb edən müraciətlərə isə ən geci 30 iş günü müddətində baxılır.

Bu əməllərə görə “N” saylı hərbi hissənin ərazisində baş verən qanunsuz addımlarla bağlı müraciət ünvanlamağımıza baxmayaraq 3 aydır ki, qarşı tər­əflər heç bir cavab ve­rməyib. Deməli, “N” saylı hərbi hissə ko­mandanlığı üçün Azə­rbaycan ordusunun ha­zırlıq göstəricisinin əhəmiyyəti olmadığı kimi, KİV və “Vətəndaşların müraciətləri haqqında” Qanunun da heç bir əhəmiyyəti yox­dur. Qarşı tərəflərin də mövqeyini dinləyə bilərik.

Mövzuya qayıdacağıq.

araz.az xəbər portalı.

araz.az xəbər portalı.