Rusiyanın muzdlu “Vaqner” qruplaşmasının lideri Yevgeni Priqojinin içində olduğu deyilən təyyarənin dünən axşam saatlarında Moskva yaxınlığında qəzaya uğramasıə diqqəti bu tip “qəzalar”a yönəldib.

araz.az xarici mətbuata istinadla xəbər verir ki, iki ay əvvəl Rusiya lideri Putinə qarşı üsyana başlayan Priqojinin ölümü sui-qəsd iddiasını gündəmə gətirib. Digər tərəfdən, Putinə müharibə elan edib ölən və ya ölümdən betər günə salınan nüfuizlu şəxslər gözlər önünə gəlib.

Navalnının vəziyyəti…

Xatırlayırsınızsa, bir vaxtlar Rusiyanı “çalxalayan” müxlif lider Aleksey Navalnı vardı. O, sözünəsl mənasında Putinn başağrısına çevrilmişdi.

Navalnı 2020-ci ilin avqustunda Sibirdə güclü əsəb pozucusu yaradan “Noviçok”la zəhərləndikdən sonra müalicə üçün Almaniyaya uçub.

Kreml insidentlə bağlı iddiaları rədd edib.Lakin Qərb ekspeertləri onun zəhərlənməsini iddia ediblər.

Navalni sağaldıqdan sonra 2021-ci ildə könüllü olaraq Rusiyaya qayıtdı və yenidən Putinə qarşı aksiyalara start verdi.  Lakin geridönüşünün mürəkkəbi qurumamış o, həbs edilib. Hazırda siyasi motivli hökmlə dəmir barmaqlıqlar arxasında canıyla əlləşir.

Bu ay məhkəmə Navalnnın cəza müddətini daha 19 il uzadaraq, onu ölkədəki ən ağır həbsxana şəraitinə məhkum ediblər.

“Agent” və qızı harada zəhərlənib?

Dövlət sirlərini Britaniya kəşfiyyatına ötürən keçmiş rusiyalı ikili agent Sergey Skripal və qızı Yuliya 2018-ci ilin martında İngiltərənin Solsberi şəhərində ticarət mərkəzinin qarşısındakı skamyada huşsuz vəziyyətdə tapılıb. İkili ağır vəziyyətdə xəstəxanaya yerləşdirilib və Britaniya rəsmiləri onların 1970-1980-ci illərdə sovet ordusu tərəfindən hazırlanmış “Noviçok”la zəhərləndiklərini bildiriblər. Hər ikisi sağ qalsa da, o vaxtdan qeyvə çəkiliblər.  Rusioya isə ənənəvi olaraq bu şəxslərlə bağlı iddiaları da rədd edib.

Güllələnən jurnalist

Rusiyada insan haqları pozuntularını işıqlandıran jurnalist Anna Politkovskaya 2006-cı il oktyabrın 7-də Moskvada supermarketdən evə qayıtdarkən evinin qarşısında güllələnib. İki uşaq anası olan 48 yaşlı Politkovskayanın öldürülməsi Qərbdə böyük əks-səda doğurdu və Rusiyada işləyən müxbirlər üçün təhlükələri önə çəkdi.

Zəhərlənən daha bir müxlif…

Rusiyalı müxalifət fəalı Vladimir Kara-Murza 2015 və 2017-ci illərdə onu zəhərləmək cəhdlərinin olduğunu bəyan edib. İngilis mətbuatının məlumatına görə, Almaniyada bir laboratoriya Murzanın qanında zəhərin əlamətləri olan yüksək miqdarda civə, mis, manqan və sink aşkarlayıb.

Məşhur Litvinenko yatağa necə öldü?

Keçmiş KQB agenti və Putinin əsas rəqibi sayılan Aleksandr Litvinenko 2006-cı ildə 43 yaşında Londonun “Millenium” otelində nadir və güclü radioaktiv izotop sayılan “polonium-210” ilə qarışdırılmış yaşıl çay içdikdən sonra zəhərlənib. Lakin onun hıyatını xilas etmək mümkün olmayıb. Kreml bu hadisədə də əli olduğunu təkzib edib. Halbuki onun ölümündə Rusiya Federal Təhlükəsizlik Xidmətinin əməkdaşlaırnın görüntüləri üzə çıxarılmışdı….

İngiltərədə daha bir müəmmalı ölüm…

44 yaşlı Alexander Yurevich Perepiliçeni 2009-cu ildə Rusiyanı tərk etdikdən sonra 2012-ci ildə London yaxınlığında ölü tapılıb.

O, Londonun kənarındakı lüks evinin yaxınlığında ölüb. Aleksandr 2009-cu ildə Rusiyada çirkli pulların yuyulması sistemi ilə bağlı İsveçrə təhqiqatına yardım etdiyi üçün hədəfdə olub. Bundan sonra o, Böyük Britaniyaya sığınıb. O vaxtı onun qəfil ölümü də xeyli şübhəli informasiyaların yayılmasına səbəb olub. Britaniya polisinin istintaqı zamanı onun mədəsində sarı nadir və ölümcül zəhərin izləri aşkarlanıb.

Yuşşenoko işi…

Ukrayna müxalifətinin lideri və daha sonra prezidenti olan Viktor Yuşşenko 2004-cü ildə prezident seçkiləri kampaniyası zamanı zəhərlənib. Yuşşenko deyib ki, o, Ukrayna kəşfiyyat idarəsinin rəsmiləri ilə Kiyevdən kənarda nahar edərkən zəhərlənib. Rusiya bununla heç bir əlaqəsi olmadığını bildirib.

Onun bədənində normal mövcud olandan 1000 dəfə çox dioksin olduğu aşkar edilmişdir. Zəhərlənmədən onun üzü və bədəni eybəcərləşib və sonradan onlarla əməliyyat olunub. O, Ukrayna Ali Məhkəməsinin “narıncı inqilab” adlandırılan küçə etirazları zamanı Viktor Yanukoviçin qalib elan edilməsinin nəticələrini rədd etməsindən sonra təkrar seçkilərdə prezident seçilib. /Mia/

araz.az xəbər portalı.

araz.az xəbər portalı.