Ezamiyyə xərcləri ilə bağlı tariflər 5 ildir ki, artırılmır.

Nazirlər Kabinetinin 2018-ci ildə qəbul etdiyi “Ezamiyyə xərclərinin normaları haqqında” qərara əsasən 1 günlük norma Bakı şəhərində 90 manat, Gəncə, Sumqayıt və Naxçıvanda 70 manat, digər şəhər və rayonlarda isə 65 manat təyin olunub.

araz.az bildirir ki, Milli Məclisinin İqtisadi siyasət, sənaye və sahibkarlıq komitəsinin üzvü, millət vəkili Vüqar Bayramov “Xəzər Xəbər”ə açıqlamasında, son illərdəki qiymət artımına nəzər saldıqda, hazırkı ezamiyyə xərclərinin kifayət qədər aşağı hesab olunduğunu qeyd edib. Millət vəkilinin sözlərinə görə, ezamiyyə ilə bağlı qaydaların yenilənməsinə və əlavələr edilməsinə ehtiyac var.

Millət vəkili bildirib ki, həm ölkədaxili, həm də xarici səfərlər üçün ezamiyyə xərclərinin artırılması məsələsi yenidən Milli Məclisdə də gündəmə gətiriləcək.

araz.az xəbər portalı.

 

araz.az xəbər portalı.