Qiymətli metalların hasilatı və ixracatı istiqamətində fəaliyyətini uğurla davam etdirən “AzerGold” Qapalı Səhmdar Cəmiyyəti (QSC)2023-cü ilin sentyabr ayında fəaliyyət dövrü ərzində ən böyükhəcmli ixrac əməliyyatlarını həyata keçirib. Belə ki, QSC cari ilin sentyabr ayında icra etdiyi iki ixrac əməliyyatı nəticəsində xarici bazarda 13.3 min unsiya qızıl və 15.8 min unsiya gümüşün satışına nail olub. araz.az xəbər verir ki, bu ixrac əməliyyatları nəticəsində “AzerGold” QSC fəaliyyət dövrü üçün aylıq rekord məbləğdə – 43 milyon 210 min manat vəsaiti ölkə iqtisadiyyatına cəlb edib.

2023-cü ilin yanvar-sentyabr aylarında isə QSC tərəfindən 38.3 min unsiya qızılın hasilatı,36.4 min unsiya qızılın ixracı həyata keçirilib. Bununla cari ilin ilk 9 ayı üçün müəyyənləşdirilmiş qızıl hasilatı planı 6%, qızıl ixracı planı isə 30% artıq icra edilib. Ümumilikdə, cari il üzrə 62.5 min unsiya qızıl hasilatı və ixracı planlaşdırılıb ki, bu da ötən ilin göstəriciləri ilə müqayisədə hasilatda 1%, ixracda isə4.4% daha artıq hədəfdir.

 

2022 və 2023-cü illərin yanvar-sentyabr ayları üzrə hasilat və ixrac göstəriciləri
  2022-ci il 2023-cü il Ötən ilin ilk 9 ayı ilə müqayisə Cari ilin ilk 9 aylıq planı ilə müqayisə
Qızıl hasilatı 42,731 Oz 38,341 Oz 10%↓ 6%↑
Gümüş hasilatı 139,908 Oz 89,437 Oz 36%↓ 33%↑
Qızıl ixracı 39,079 Oz 36,384 Oz 7%↓ 30%↑
Gümüş ixracı 116,561 Oz 77,355 Oz 34%↓ 45%↑
Qızılın ixrac dəyəri 120,686,024AZN 119,129,023 AZN 1%↓ 56%↑
Gümüşünixrac dəyəri 4,291,367AZN 3,123,720 AZN 27%↓ 91%↑
Cəmi ixrac gəliri 124,977,391AZN 122,252,743 AZN 2%↓ 57%↑

Daxili bazarda isə cari ilin ilk 9 ayı ərzində qızıl və gümüş satışından əldə edilən gəlir 15 milyon 825 manat təşkil edib. Bu, ötən ilin eyni dövrü ilə müqayisədə 88% artım deməkdir.

2022 və 2023-cü illərin yanvar-sentyabr ayları üzrə daxili bazar satışları
  2022-ci il 2023-cü il Ötən ilin ilk 9 ayı ilə müqayisə
Qızılın daxili bazar satışı 2,394 Oz 4,316 Oz 80%↑
Gümüşün daxili bazar satışı 7,526 Oz 23,653 Oz 214%↑
Qızılın daxili bazar satış gəliri 8,078,655 AZN 14,836,180 AZN 84%↑
Gümüşün daxili bazar satış gələri 318,199 AZN 988,958 AZN 211%↑
Daxili bazar satışı üzrə cəmi gəlir 8,396,854 AZN 15,825,138 AZN 88%↑

 

Ümumi satış gəlirlərinə gəldikdə, ilk 9 ay üzrə QSC-nin ümumi satış göstəriciləri ötən ilin eyni dövrü ilə müqayisədə 4% artıb.

 

2022 və 2023-cü illərin yanvar-sentyabr ayları üzrə cəmi satış gəlirləri
  2022-ci il 2023-cü il Ötən ilin ilk 9 ayı ilə müqayisə
Qızılın cəmi satış gəliri 128,764,679 AZN 133,965,203 AZN 4%↑
Gümüşün cəmi satış gəliri 4,609,567 AZN 4,112,679 AZN 11%↓
Cəmi gəlir 133,374,246 AZN 138,077,882 AZN 4%↑

Cari ilin ilk 9 ayı üzrə hasilat və ixrac göstəricilərində ötən illə müqayisədə müşahidə edilən nisbi azalma QSC-nin istismarı aparılan əsas qızıl mədəni olan “Çovdar”ın sulfid mərhələsi üzrə filizləşmə xüsusiyyətləri ilə bağlıdır və geoloji reallığı əks etdirir. Belə ki, hazırda qızıl mədənində oksid fazasından mürəkkəbliyi ilə seçilən sulfid qatına keçid mərhələsində daha aşağı zənginlikdə olan filizlərin hasilatı aparılır. Bununla belə, plan üzrə davam etdirilən uğurlu fəaliyyət nəticəsində ilin sonunadək müəyyənləşdirilmiş illik hasilat və ixrac hədəflərinin üstələnməsi nəzərdə tutulub.

2022-ci ilin hasilat, ixrac, daxili bazar satışları və 2023-cü ilin hasilat, ixrac, daxili bazar satışı planları
  2022-ci ilin faktiki göstəriciləri 2023-cü ilinplanı 2022-ci ilin faktı ilə 2023-cü ilin planının müqayisəsi
Qızıl hasilatı 62,060 Oz 62,500 Oz 1%↑
Gümüş hasilatı 223,059Oz 108,259 Oz 51%↓
Qızıl ixracı 59,892 Oz 62,500 Oz 4.4%↑
Gümüş ixracı 193,536 Oz 108,259 Oz 44%↓
Qızılın daxili bazar satışı 3,584 Oz 5,684 Oz 58.6%↑
Gümüşün daxili bazar satışı 14,301 Oz 23,670 Oz 65.5%↑

Qeyd edək ki, 1 oktyabr 2023-cü il tarixinə QSC tərəfindən qiymətli metalların yerli və xarici bazarlarda satışı nəticəsində əldə etdiyi ümumi gəlir 1 milyard 93 milyon 794 min manata çatıb. Vəsaitin 1 milyard 49 milyon 249 min manatını ixrac gəlirləri, 44 milyon 544 min manatını isə daxili bazar satışlarından əldə edilən gəlirlər formalaşdırır.

araz.az xəbər portalı.

araz.az xəbər portalı.