Tanınmış cərrah Elgün Səmədov M.Topçubaşov adına Elmi Cərrahiyyə Mərkəzinin baş həkimi təyin olunub.

araz.az xəbər verir ki, bu barədə hüquq müdafiəçisi Emil Məmmədov açıqlama verib.

Onun sözlərinə görə, 40 yaşlı Elgün Səmədov Salyan rayon Noxudlu kənd orta məktəbinin məzunudur:

“Tibb Universitetinin Hərbi Tibb Fakulətəsinin məzunu olan Elgün Səmədov tibb xidməti mayoru rütbəsinə qədər orduda həkim kimi qulluq edib. Hərbi xidmətdən tərxis olduqdan sonra fəaliyyətini Milli Onkologiya Mərkəzində onkoloq cərrah kimi davam etdirirdi”.

Hüquq müdafiəçisi onu da qeyd edib ki, Elgün Səmədov 2020-ci ildə keçirilən Milli Məclisə seçkilərdə 59 saylı Salyan seçki dairəsindən deputatlığa namizəd olub.

araz.az xəbər portalı.

araz.az xəbər portalı.