Kremlin İrəvanı çökdürmək planı – Rusiya 3 istiqamətdən vuracaq

“Nikol Paşinyan bir gün Rusiya hərbi bazasını Ermənistandan çıxarmağa və boşalan yeri Fransa hərbi bazası ilə əvəz etməyə müvəffəq olsa, bunun Azərbaycan üçün təhlükəsi ola bilərmi? Ümumilikdə Rusiyanın Cənubi Qafqaza təsir imkanlarının azalması və Ermənistandan çıxması Azərbaycanın da maraqlarına uyğundur”

araz.az xəbər verir ki, bu sözləri politoloq Elxan Şahinoğlu deyib.

Onun sözlərinə görə, Ermənistanda möhkəmlənmək istəyən Fransa Azərbaycana Rusiya qədər problem yarada bilməyəcək, çünki qarşısında həm də Türkiyəni görəcək:

“Bununla Fransa özünü bəlaya salacaq. NATO üzvü Fransanın Ermənistanda hərbi bazası olacaqsa, digər NATO üzvü Türkiyənin də Azərbaycanda hərbi bazası olacaq. Fransa Ermənistanı Avropa İttifaqına və NATO üzvlüyünə qəbul etdirə bilməyəcək. Çünki bu, yalnız Fransanın istəyindən asılı deyil.

Elxan Şahinoğlu

Rusiya Ermənistanın simasında Cənubi Qafqazda son forpostunu itirməsinin əvəzini İrəvandan artıqlaması ilə çıxacaq. Kreml 3 addımla Ermənistanı çökdürməyə çalışacaq.

1. Ermənistana satdığı qazın qiymətini ya bahalaşdıracaq, ya da tamamilə kəsəcək;

2. Öz bazarını Ermənistan məhsullarına qapadacaq;

3. Rusiyada çalışan ermənilərin Ermənistana pul köçürmələri ya çətinləşəcək, ya da tamamilə dayandırılacaq”. /globalinfo.az/

araz.az xəbər portalı.