Bu xəstəlikdən xilas olmaq mümkün deyil: qarşısını almaq istəyirsinizsə…

Miqren bir neçə saatdan üç günə qədər davam edən, ürəkbulanma və qusma, titrəmə, sürətli ürək döyüntüsü, yuxusuzluq, depressiv əhval-ruhiyyə və süstlüklə müşayiət oluna bilən şiddətli baş ağrısıdır. Miqrenin şiddəti və inkişafı hormonal dəyişikliklər, emosional yüklənmə, yuxunun pozulması, aclıq, hava şəraitinin dəyişməsi, spirtli içkilərin qəbulu ilə bir sıra qidalardan asılıdır.
araz.az xəbər verir ki, bu sözləri nevroloq Rinat Gizatullin deyib. Həkim bildirib ki, hətta banan, sitrus meyvələri, şokolad, yağlı pendirlər də miqrenin güclənməsinə səbəb olur.
“Təəssüf ki, xroniki miqrendən tamamilə xilas olmaq mümkün deyil. Ancaq bunun qarşısını almaq üçün vaxtında yatmaq, daha çox hərəkət etmək, təmiz havada gəzmək və düzgün yemək lazımdır. Dərman müalicəsini də daxil edə bilərsiniz: dərmanlar fərdi olaraq seçilir, müalicə adətən üç ay davam edir.
Yeri gəlmişkən, bəzi insanlar sərt pendir yedikdən sonra baş ağrısı hiss edə bilərlər. İş ondadır ki, bu məhsulda kalsium və zülaldan əlavə duz və tiramin də var. Sonuncu, bəzi insanlara mənfi təsir göstərən bir maddədir”, – nevroloq vurğulayıb. /Publika/

araz.az xəbər portalı.