Dünya müharibəsi harada başlayacaq? – Üç keçmiş sovet ölkəsinin adı çəkildi

Üçüncü Dünya müharibəsinin başlamasının əsas yolu Qərblə Rusiya arasında birbaşa qarşıdurma olaraq qalır. Donald Tramp ABŞ seçkilərində qalib gəlsə və NATO-da sabitliyi pozsa, bu ssenarinin reallaşma ehtimalı var.

araz.az xəbər verir ki, bunu italyan analitik Luici Skazzieri deyib.

“İran və İsrail arasında mümkün münaqişə Yaxın Şərqdə qlobal nəticələrə malik böyük müharibə alovuna çevrilə bilər. ABŞ İsrailin tərəfinə çəkiləcək və Böyük Britaniya da daxil olmaqla, digər Qərb ölkələri də eyni şeyi daha az dərəcədə edə bilərlər”, – ekspert bildirib.

Skazzierinin fikrincə, Qərb ölkələrinin belə bir müharibədə iştirakı məhdud olacaq və bu, Üçüncü Dünya Müharibəsi olmayacaq:

“Ən azı ona görə ki, Rusiyanın İranı dəstəkləməyə gücü çatır, amma Çinin bunu etmək ehtimalı azdır.

Üçüncü Dünya Müharibəsi ssenarisinə aparan əsas yol Qərblə Rusiya arasında birbaşa qarşıdurma olaraq qalır. Əgər Donald Tramp qalib gəlsə və NATO-da sabitliyi pozsa, Vladimir Putini Baltikyanı ölkələrə (Latviya, Litva və Estoniya) hücum etməyə şirnikləndirsə, bu ssenarinin reallaşması ehtimalı yüksək olacaq. Əgər Qərb qüvvələri Ukraynaya cəbhə xəttində döyüş əməliyyatlarında dəstək versə, Rusiya ilə toqquşma da mümkündür”. /Teleqraf.com /