Pul yığıb icra başçısına “sürpriz” etmək istəyirdi- ALINMADI

Beyləqanda yeni icra başçısını qəzəbinə tuş olan növbəti məmiur yerli Maliyyə İdarəsinin müdiri İsllam Allahverdiyev olub.

Mozalan.az-a rayondan verilən xəbərə görə 25 il məsul vəzifələrdə çalışmış Allahverdiyev Vaqif Abdullayevin getməsindən sonra əndişə içərisində idi. Sabiq başçının vaxtında dövlətin ayırdığı vəsaitlərin mənimsənilməsində, milyonluq maxinasiyalarda onun da imzası var.

Yeni icra başçısı Asif Ağayev artıq Vaqif Abdullayevin bir neçə kadrı ilə vidalaşıb. Bəzilərinin barəsində korrupsiya ittihamı ilə araşdırma gedir.

Belə bir vəziyyətdə İslam Allahverdiyev çıxış yolunu “köhnə üsulla” həll etmək istəyib. Rayondakı idarə və təşkilatlara ayrılan vəsaitlərdən yeni icra başçısına “pay” tələb edib.

Yaqin ki, müəyyən məbləğdən sonra icra başçısına “sürpriz” etmək niyyətində imiş.

Lakin icra başçısı bundan xəbər tutub onu koibinetinə çağıraraq möhkəm danlayıb. Bundan sonra bu vəzifədə qalmasının arzuolunmaz olduğunu deytib.

Ehtimal ki, yaxın vaxtlarda İ. Allahverdiyev əvəzlənəcək. /Mozalan.az/

araz.az xəbər portalı.