“Təəssüf edirəm ki, Aİ ölkələrinin liderləri Gürcüstanın Aİ-yə qoşulması prosesini dayandırmaq barədə razılığa gəliblər.”

araz.az xəbər verir ki,bunu Avropa İttifaqının Gürcüstandakı səfiri Pavel Herçinski “Avropa İttifaqının genişlənməsi – Avropa İttifaqına namizəd ölkələr üçün geosiyasi ehtiyac və gələcək addımlar” adlı ikigünlük beynəlxalq konfransın keçirildiyi Tbilisidə jurnalistlərə bildirib.

“İyunun 27-də Aİ liderləri, prezidentləri və baş nazirləri Brüsseldə görüşdülər və onlar bir sıra mühüm qərarlar qəbul etdilər, Aİ-nin gələcək dövr üçün strateji gündəliyini razılaşdırdılar, Aİ-nin gələcək liderləri ilə bağlı razılığa gəldilər, Ukrayna ilə bağlı müdafiə sahəsində güclü öhdəliyimizi bir daha təsdiqlədilər. Təəssüf edirəm ki, bunu deyirəm, onlar həmçinin Gürcüstanın Avropa Birliyinə qoşulma prosesini dayandırmağa razılıq verdilər. Bu, Avropa Şurasının yekununda çox aydın ifadə olunub. Çox diqqətlə oxuyun.

Gürcüstanın hazırkı hakimiyyətinin niyyəti Avropa İttifaqı liderləri üçün aydın deyil. Xarici Təsirdə Şəffaflıq Aktı açıq şəkildə 9 addımdan geriyə doğru bir addımdır. Həmçinin, anti-Qərb, anti-Avropa ritorikası bəyan edilmiş Avropa İttifaqına daxil olmaq məqsədi ilə tamamilə uyğun gəlmir. Təəssüf ki, hazırda Gürcüstanın Avropa İttifaqına qəbulu dayandırılıb. Bu, həqiqətən də kədərli və ürəkağrıdandır”, – deyə səfir bildirib.

Bundan əlavə, onun sözlərinə görə, Avropa İttifaqı digər namizəd ölkələrlə bağlı əlavə addımlar atır və Avropa İttifaqı Moldova və Ukrayna ilə üzvlük danışıqlarına başlamaq qərarına gəlib.

“Səmimi qəlbdən ümid edirəm ki, seçkilərdən sonra, oktyabrdan sonra yeni qurulan hökumət, bu hökuməti kim formalaşdıracaqsa, yenidən Avropa İttifaqına daxil olmaq istiqamətində ciddi işə başlayacaq”, – deyə səfir bildirib.

 

araz.az xəbər portalı.