EL AĞSAQQALI PROBLEM VƏ SOSİAL BƏLALARIMIZDAN DANIŞIR — FAKTLAR

 

       Həmkarlarımızdan eşitdik ki, Pirşağı qəsəbəsində Hacı Vaqif Rəşidov ad-soyadlı cəsarətli, ictimai qınağa tuş gələn problem və çatışmazlıqlarımız, onların baiskarları barədə qorxub-çəkinmədən kəsərli sözlər deməyi bacaran bir ağsaqqal yaşayır. Dedikləri başdan-ayağa haqq-ədalət, vətəndaşların tapdanan hüquqlarının bərpası uğrunda əsl davadır. Bir sözlə, mətbuatın arayıb-axtardığı adamlardan biridir. Özü də, əfsanəvi Milli Qəhrəmanımız Mübariz İbrahimovun şərəfinə yaradılmış “Vətənpərvərlər” ictimai qurumunda Ahıllar Şurasına başçılıq edir. Mətbuata və əlaqədar orqanlara ünvanladığı şikayət xarakterli bütün müraciətlərini də, bu təşkilatın blankında ünvanına çatdırır.

                       

 

 

 

 

        Möhtərəm Prezident!

Bir rəvayət haqqında məlumat vermək istəyirəm. Oğlan uşağı anasına təcavüz edir. Öz evladını öldürməyə əli gəlmədiyi üçün, onu Şahın yanına aparır. Hadisəni olduğu kimi Şaha söyləyir. Şah cavan oğlanı zindana atdırır. Kişiyə deyir ki, iki gündən sonra gəlsin, hansı cəzaya müptala olacaqsa, şahidi olsun! İki gündən sonra kişi gəlib görür ki, oğlu Şahın yanında hərbi geyimdə dayanıb. Şahdan soruşanda ki, bu nə deməkdir? Şah deyir:

       — Gündüzdə çıraqla axtarsam, belə birini tapa bilmərəm. Sağ ol ki, onu mənim yanıma gətirmisən? Nə qədər sənə cəza verməmişəm, get buradan!

Quba rayon və Gəncə şəhər icra hakimiyyətlərinin rəhbərləri öz xalqına qulluq etmək əvəznə, cızıqlarından kənara çıxdıqları üçün, başlarına nələr gəldiyi xalqa məlumdur. Bir məclisdə Lənkəranın başçısının nələr etdiyi haqqında da söhbət getdi. Deyilənlərə görə, bir qadın başçının qəbuluna girir. Başçı onu təhqir edir.

        Sonra bir el ağsaqqalı başçıya məsləhət vermək üçün, onun qəbuluna girir. Başçı həmin  ağsaqqalı şillələyib stolun altına salır. Bunu eşidən cinayət aləminin lotusu, ona 3 gün vaxt verir ki, Lənkəranı tərk etsin!          

     Qəribədir, Siz bir prezident olaraq, deyirsiniz ki, bütün məmurlar xalqa qulluq etməlidirlər. Prezidenti saymayan, onu eşitməyən məmur isə, cinayət aləminin lotusunu eşidib, həmən dəqiqə olduğu yeri tərk edir. Deyilənə görə, Prezident Aparatından kimsə ona kömək edib, başqa rayona başçı göndərib. Ola bilməz ki, bu haqda Zeynal Nağdəliyevin xəbəri olmasın. Siz deyin, nə vaxtdan  yerdəyişmə qanunu müsbət nəticə verib?!

        Möhtərəm Prezident!

Azərbaycanda küçədə yaşayan it və pişiklər üçün qəşəng hotel yaradıblar. Deyilənlərə görə, 5 ulduzlu hotel onların yanında heç nədir. Bəli, itlərin və pişiklərin də hüquqlarını tapdalamaq, bir də təhqir etmək olmaz. Nəhayət ki, bizdə də, küçədəki it və pişikləri tutub, sığınacağa aparırlar. Təəssüflər olsun ki, Qaradağ rayonunda Vladimir  adlı tatar  balasının atadan qalma evini icra başçısı əlindən alıb, cinayətkar bir qadına satdığından, o, küçələrdə qalıb. Qadın da evdə olan bütün əşyaları oğurlayıb. Vladimir dəfələrlə İcra Hakimiyyətinə və polis idarəsinə məlumat verib. Nədənsə, artıq, 15-16 ildir ki, bu olaya reaksiya yoxdur, heç bir tədbir görmürlər. Görünür, evi zəbt edən qadın düz deyir. O, deyir ki, guya, pul verib, ev alıb. Kimin hünəri var, onu evdən çıxarsın?! Hal-hazırda Vladimir Bakı kəndlərində, Lökbatanın özündə zibilliklərdə və qəbirstanlıqlarda yatır. Qəribədir, Azərbaycanda itləri çöllərdən yığışdırıb, hotellərdə yerləşdirirlər. Vladimiri isə, öz evindən qovub, zibillikdə və ya qəbirstanlıqda qalmağa məcbur ediblər. Görünür, bizim respublikada  xalqın aşağı təbəqəsinin nümayəndəsi olan kimsəsiz, imkansız şəxslərin hüquqları qorunmur və kobudcasına tapdalanır. Qaradağ İH-ndən və polisindən də, xahiş və tələb etmişəm ki, bu müsibətə bir əncam çəkilsin. Lakin… Siz deyin, nəyə görə, Vladimiri heç olmasa it yerinə qoyub, cinayətkardan ata mülkünü alıb, özünə qaytarmaqda heç bir qurum maraqlı deyil. Əksinə, cinayətkar qadına Vladimirin hesabına təzə tikilən binalarda ev də verəcəklər! Baxmayaraq ki, qadının 3 yerdə evi var! İndi özünüz deyin, Vladimir Cinayət Aləminən tanış deyilsə, bəs, kimə müraciət etsin!

       Möhtərəm Prezident!

Vladimirin öz dilindən eşitmişəm ki, onun, bir ölkə başçısı olaraq, sizə böyük hörməti var, ona görə də seçki zamanı sizə səs verib. Yoxlaya bilərsiz! Neyləyə bilər ki, şikayətləri sizə çatmır. Belə haqsızlıq olar?! İmkansız və kimsəsiz Azərbaycan vətəndaşına it kimi yanaşırlar, iitlərin isə, respublika vətəndaşı əvəzinə hüquqları qorunur!

Bacı oğlu, inan Allaha, məni bir şey narahat edir.  Vladimirin atası və özü, atası ölən günə qədər neft mədənlərində işləyiblər. Onların verdiyi vergi dövlət büdcəsinə keçib. Bu məmurlar da, maaşlarını büdcədən alırlar. Məgər onlar anlamırlar ki, vergi hesabına dolan büdcədən qidalanrlar. Atalar yaxşı deyib: “Təpiyi kimə atarsan, çörək verənə!”.

       Bacı oğlu, xahiş edirəm, özün de, belə şəxslərdən respublikada çoxdur? Əgər çoxdusa, vay kimsəsiz və imkansız vətəndaşların halına!

 

      “Acı Dərman” ləqəbli bir şair də, Vladimirin acı həyat hekayəsi haqqında nəzmlə Sizə bir müraciət də ünvanlayıb. Maraqlıdır deyə, həmin müraciəti sizə də göndərirəm:

 

 

 

Süleyman İsmayılov əgər ona ünvanlanmış saysız-hesabsız belə məktubları oxuyub, Prezidentə çatdırsa, deməli ölənlərinə rəhmət qazanacaq.

Bacı oğlu, Sən yaxşı bilirsən, Əziz Əliyev cənabları ağır günlərində ailəsini götürüb, bizdə qaldı. Şəxsən özüm üçün, Sizdən heç bir Xahiş etməmişəm.  Yalnız bir xahişim var,  Vladimirin ata mülkü olan 3 otaqlı evi. cinayətkardan alıb, özünə verin. Yeganə vərəsə Vladimirdir.

Ölənlərin ruhu naminə, bu işi müsbət həll elə, başqalarına dərs olsun!

 

 

…