Mərkəzi Seçki Komissiyası, ünvanına daxil olan 12 müraciətə baxılması üçün müvafiq dairə seçki komissiyalarına göndərib. Bununla bağlı Komissiyanın keçirilən son iclasında qərar layihələri müzakirə edilib. 
Bu barədə araz.az-a daxil olan məlumata görə, bu müraciətləri MSK katibi Arifə Muxtarova və ekspert qrupunun üzvləri təqdim ediblər. Xüsusi olaraq o qeyd edilib ki, 120 saylı Cəbrayıl-Qubadlı, 23 saylı Nəsimi-Səbail (2 fərqli müraciət), 73 saylı Masallı-Cəlilabad, 97 saylı Tərtər-Ağdərə-Goranboy,  10 saylı Binəqədi üçüncü, 24 saylı Nizami birinci, 42 saylı Sumqayıt birinci, 78 saylı Lənkəran kənd, 22 saylı Nəsimi-Yasamal, 23 saylı Nəsimi-Səbail seçki dairələri ilə bağlı daxil olan müraciətlər müvafiq dairə seçki komissiyalarına göndərilib.  94 saylı Ucar, 71 saylı Cəlilabad şəhər seçki dairələrindən daxil olan müraciətlər isə, müəyyən edilmiş müddəti əhatə etmədiyindən şikayətçilərə geri göndərilib.
Onu da qeyd edək ki, qərarlar səsverməyə qoyularaq qəbul olunub.
Səməndər QURBANOV,                              araz.az xəbər portalının xüsusi müxbiri. 

araz.az xəbər portalı.