Qaradağ Gənclər və İdman İdarəsində külli miqdarda rüşvət məsələsi

araz.az bildirir ki, bu xəbəri bizimxeber.az yayıb. Xəbərdə bildirilir ki, redaksiyaya edilən müraciətdə idarənin baş məsləhətçisi İlqar Qasımovun tədbirlər keçirmək və müxtəlif işlərin görülməsi adıyla vətəndaşdan külli miqdarda pul alaraq, qaytarmaması qeyd olunub.

Məsələ Qaradağ Polis İdarəsinə çatıb. Məlum olub ki, doğrudan da, Qaradağ Rayon Gənclər və İdman İdarəsinn baş məsləhətçisi İlqar Qasımov, “tədbirlər üçün pul lazımdır” adı ilə vətəndaşdan dəfələrlə borc pul alıb. O, hər dəfə bildirib ki, baş idarədən pullar tədbirlərdən sonra verilir: “Bizə pul lazımdır ki, tədbirləri keçirək və sonra idarədən veriləndə, qaytaraq”.

İddia olunur ki, vəıtəndaşa qaytarılmayan pulun məbləği 70 min manatdan artıqdır.

İlqar Qasımov pulları tədbirlər keçirmək adı altında istəyib. O, uzun illər ərzində bu fəaliyyəti davam etdirib və nəticədə, vətəndaşla aralarında 70 min manatdan artıq borc yaranıb.

Bu borcun qaytarılmaması səbəbindən vətəndaş hüquq-mühafizə orqanlarına müraciət edərək, məsələnin hüquqi tərəfinin araşdırılmasını tələb edib.

Qaradağ Polis İdarəsi tərəfindən məsələ ilə bağlı araşdırmalar aparılıb. Bu cür maliyyə qanunsuzluqları, xüsusilə də dövlət strukturlarında baş verdikdə, dövlət xidmətlərinin şəffaflığına və vətəndaşların etibarına ciddi zərər vurur.

İttiham olunan şəxsin məsuliyyətə cəlb olunması, pulların qaytarılması və büdcə vəsaitlərinin düzgün istifadə olunması ilə bağlı tədbirlərin görülməsi, dövlət strukturlarında şəffaflığın və vətəndaşların hüquqlarının qorunması baxımından böyük əhəmiyyət kəsb edir.

Vətəndaş müraciətində bildirir ki, Qaradağ Rayon Gənclər və İdman İdarənin rəisi Elçin Abbasovla görüşüb və onu baş məsləhətçisinin əməlləri barədə məlumatlandırıb.

Elçin Qasımov isə, hadisə barədə məlumatsız olduğunu, məsələni araşdırmaya yönləndirəcəyini bildirib.

Pulunu tələb edən vətəndaş isə bildirir ki, İlqar Qasımovun ona 70 min manatdan artıq borcu olduğunu faktlarla təsdiqləməyə hazırdır. O, əlində sübutlar, səs yazıları, whatsapp yazışmaları olduğunu deyir. Və burda ittiham etdiyi şəxsin ona borclu olduğu açıq-aydın qeyd olunur. Yəqin ki, Gənclər və İdman naziri Fərid Qayıbov da,  baş verənlərin araşdırılmasına maraqlı olacaq və içtimaiyyətə ətraflı məlumat veriləcək.

Haqqında səslənən iddialara münasibət bildirən Qaradağ Rayon Gənclər və İdman İdarəsinn baş məsləhətçisi İlqar Qasımov faktı təsdiqləyib. O, belə bir halın olduğunu və polisdə ifadə verdiyini deyib: “Bu mülki məsələdir. Bəli, belə bir borc məsələsi olub, polisə çağırılmışam və ifadəmi vermişəm. Bu mənimlə qarşı tərəfin məsələsidir”.