Kağız üzərində vəsait ayrılan, lakin batan kollektor-drenaj sistemləri… — Palata bir çox məmurun “yuxusuna haram qatacaq”

araz.az xəbər verir ki, bunu Hesablama Palatasının sədri Vüqar Gülməmmədov Bakıda keçirilən, “Auditor xidməti haqqında” qanunun 30 illiyinə həsr olunmuş “Yaşıl iqtisadiyyat zəminində hesabatlılıq və şəffaflıq” mövzusunda beynəlxalq konfransda bildirib.

“Cari ildə ekoloji auditlər davam edir. Palatanın apardığı auditlər arasında Kür-Araz ovalığında kollektor-drenaj sistemləri və suvarılan torpaqların deqradasiyasına qarşı mübarizə, təhlükəsiz tullantıların idarə olunmasının səmərəliliyi və nəticəliliyinin qiymətləndirilməsi, həmçinin işğaldan azad edilmiş ərazilərdə yaşıl iqtisadiyyata töhfə verən “Ağıllı kənd” layihəsinin auditləri yer alır“, — deyə, o, qeyd edib.

Xatırladaq ki, Azərbaycan Dövlət Su Ehtiyatları Agentliyinin tabeliyində olan bu sahədə milyonlar dövr edir. Lakin bir çox bölgələrdə kollektorlar nəinki təmizlənir, əksinə, elə yerlər var ki, zir-zibillə dolaraq funksiyasını itirib. Bu isə bir çox əkinə yararlı sahələrin yararsız hala düşməsi ilə nəticələnib.

Yəqin ki, Palata bu sahəyə kağız üzərində ayrılan vəaitlərlə görüən işləri müqayisəsini paararaq milyonları mənimsəyən rəhbər şəxslərin cəzalandırllmasınaçalışacaq.

Onu da qeyd edək ki, Azərbaycan Dövlət Su Ehtiyatları Agentliyinin sədri Zaur Mikayılovdur. /report.az/