Azərbaycan Milli İstiqlal Partiyasına ağır itki üz verib. Partiyanın tanınmış simalarından biri, hətta bir müddət partiyada sədr səlahiyyətlərini icra edən Fuad Muxtarov vəfat edib.

araz.az xəbər verir ki, bununla bağlı AMİP rəhbərliyi başsağlığı verib.

“Dərin kədər hissi ilə bildiririk ki, bu gün Milli İstiqlalçılar ailəsinə ağır itki üz verib. Partiyanın veteranlarından biri, partiyanın inkişafında, təşkilatlanmasında, fəaliyyətində və beynəlxaq əlaqələrin inkişafında əvəzsiz xidmətləri olan əqidəli istiqlalçı, uzun illər ərzində AMİP-in Beynəlxalq məsələləri üzrə katibi, Partiyanın Baş Katibi və sədr əvəzi olaraq fəaliyyət göstərmiş AMİP Ali Məclisinin üzvü Fuad Muxtarov dünyasını dəyişib.

AMİP lideri Etibar Məmmədov, AMİP sədri, AMİP Ali Məclisi, Siyasi Şura, MİK və Mərkəzi Aparat adından Fuad müəllimin ailə üzvlərinə, yaxınlarına və bütün Milli İstiqlalçılara dərin hüznlə başsağlığı veririk. Məkanı cənnət olsun”, — AMİP-in bu başsağlığında deyilir.

Onu da qeyd edək ki, Fuad Muxtarov uzun illər BBC-də politoloq olaraq fəaliyyət göstərib, müxtəlif televiziyalarda şərhçi kimi çıxış edib.

 

araz.az xəbər portalı.