Bu gündən paytaxtın 171 nömrəli avtobus marşrutu fəaliyyətini dayandırıb. araz.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.

Məlumatda bildirilib ki, həmin xətt üzrə (Bilgəh qəsəbəsi – “Koroğlu” Nəqliyyat Mübadilə Mərkəzi) 150 nömrəli marşrut istifadədə olacaq.

Qeyd olunub ki, 150 nömrəli şəhərətrafı müntəzəm avtobus marşrutu üzrə keçirilən müsabiqənin nəticəsinə əsasən, “BakuBus” MMC komissiya üzvləri tərəfindən qalib elan olunub.

Sözügedən marşrut üzrə sərnişindaşıma müasir və komfortlu avtobuslarla, nağdsız ödəniş əsasında həyata keçiriləcək.

Azərbaycan paytaxtında 60 nömrəli müntəzəm marşrut xətti isə, artıq, “BakuBus” MMC-nin istismarında olacaq. araz.az xəbər verir ki, bu barədə şirkətdən məlumat daxil olub.

Qeyd edək ki, sözügedən marşrut xətti Bakının Xətai rayonunun Polad Həşimov küçəsi ilə metronun “Koroğu” stansiyasını birləşdirir.

Səməndər QURBANOV,

araz.az xəbər portalı.