Moskvada Rusiya Azərbaycanlılarının Birinci Forumu və Rusiya Azərbaycanlıları İttifaqının təsis konfransı keçirilib

Fizuli Məmmədov Rusiya Azərbaycanlıları İttifaqının prezidenti seçilib

Aprelin 27-də Dünya Azərbaycanlıları Mədəniyyət Fondunun təşkilatçılığı ilə, Rusiya Federasiyasının paytaxtı Moskva şəhərində Rusiya Azərbaycanlılarının Birinci Moskva Forumu keçirilib. Moskvadan araz.az- verilən məlumata görə, Forum çərçivəsində Rusiya Azərbaycanlıları İttifaqının təsis konfransı da baş tutub. Rusiya paytaxtındakı Prezident hotelində baş tutan bu tədbirdə Federasiyanın 56 regionunu təmsil edən Azərbaycan diaspor qurumlarının təmsilçiləri, eləcə də müxtəlif subyektlərdən ziyalılar, ictimai-siyasi fəallar iştirak ediblər. Dövlət himninin səslənməsi ilə start götürən bu tarixi tədbirdə Azərbaycan diasporunun mövcud durumu, qarşısında duran vəzifələr və hədəflər barədə maraqlı çıxışlar olub.

Forum başa çatdıqdan sonra, öz işinə başlayan Rusiya Azərbaycanlıları İttifaqının Təsis Konfransında qurumun İdarə Heyəti seçilib. Fizuli Məmmədovun, Tofiq Rzayevin, Mirkazım Seyidovun, Elşən Əliyevin, Akil Mikaylovun, Mais Cəfərovun, Aydın Mehtiyevin, Zahid Qocayevin və Əli Kazımovun namizədlikləri səsvermə yolu ilə qəbul edilib. Qərara alınıb ki, qarşıdakı 3 ay ərzində, Rusiya qanunvericiliyinə uyğun olaraq, hazırlıq işləri keçirilsin, Nizamnamə hazırlansın və qurultayın vaxtı təyin olunsun. Bundan başqa Nizamnamənin bəndlərinin təsisçi təşkilatların hüquqşünasları tərəfdindən onlayn qaydada müzakirə ediləcəyi təklifi də qəbul edilib.
Bundan sonra, Rusiya Azərbaycanlıları İtifaqının prezidentliyinə namizədlər irəli sürülüb. Ceyhun Əliyev bu posta Dünya Azərbaycanlıları İtitfaqının və Dünya Azərbaycanlıları Mədəniyyət Fondunun prezidenti Fizuli Məmmədovun namizədliyini irəli sürüb. Təklif yekdilliklə qəbul olunub.
Daha sonra, Rusiya Azərbaycanlıları İtifaqının prezidentliyinə namizədlər irəli sürülüb. Ceyhun Əliyev bu posta Dünya Azərbaycanlıları İtitfaqının və Dünya Azərbaycanlıları Mədəniyyət Fondunun prezidenti Fizuli Məmmədovun namizədliyini irəli sürüb. Təklif yekdilliklə qəbul olunub. Səsvermə ilə təklif olunan struktur da qəbul edilib. Fizuli Məmmədov yekdilliklə Rusiya Azərbaycanlıları İttifaqının prezidenti seçilib.
Tədbirin sonunda Forum iştirakçıları xatirə şəkli çəkdiriblər.

araz.az.

araz.az xəbər portalı.