Baş direktoru Xalid Samaka olan 
“Holcim” Azərbaycan Açıq Səhmdar Cəmiyyətinə yazılan inzibati protokola baxılacaq tarix açıqlanıb.                   
araz.az-ın xəbərinə görə, sənədə Qaradağ Rayon Məhkəməsinin hakimi Teymur Qurbanovun sədrliyi ilə noyabrın 5-də baxılacaq.
Xatırladaq ki, Mərkəzi Bank protokolu İnzibati Xətalar Məcəlləsinin 430.4-cü (Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir) maddəsinə əsasən tərtib edib.                                                                        Yazılan digər protokola isə, (İnzibati Xətalar Məcəlləsinin 233.1-ci maddəsi: Ətraf mühitə atılan, axıdılan və ya basdırılan zərərli maddələrin miqdarının yol verilə bilən normativlərdən artıq olmasına görə vəzifəli şəxslər iki min beş yüz manatdan dörd min manatadək məbləğdə, hüquqi şəxslər on min beş yüz manatdan on iki min beş yüz manatadək məbləğdə cərimə edilir) Qaradağ Rayon Məhkəməsinin hakimi Teymur Qurbanovun sədrliyi ilə noyabrın 4-də baxılacaq.
Fakt onu deməyə əsas verir ki, “Holcim”in rəhbəri də, ölkədən qanunsuz olaraq valyuta çıxarıb. Məhz bu səbəbdən, iş məhkəməlik olub və barəsində qanun çərçivəsində ölçü götürüləcək. 

 

araz.az xəbər portalı.