Gürcüstan Prezidenti Salome Zurabişvili İvanişivilinin partiyası olan “Gürcü arzusu – Demokratik Gürcüstan” Partiyasının qələbəsini tanımayıb.
araz.az xarici mətbuata istinadən xəbər verir ki, o, bu sözləri az əvvəl keçirilən brifinqdə deyib. Prezident bildirib ki, dünınki parlament seçkilərinin nəticlərini tanımır: “Bu gün burada ölkədə qalan yeganə müstəqil qurumun rəhbəri kimi demək istəyirəm ki, mən bu seçkiləri tanımıram. Biz çox qeyri-adi bir şeyin şahidi olduq. Bu, total saxtakarlıq, sizin səslərinizin total oğurlanması, seçkiləri saxtalaşdırmaq üçün bu və ya digər ölkələrdə gördüyümüz bütün vasitələrdən istifadə edilməsi idi. Sabah axşam saat 19.00-da hamınızı Rustaveli prospektinə dəvət edirəm. Gəlin, birlikdə dünyaya bu seçkiləri tanımadığımızı bəyan edək”.
Onu da da qeyd edək ki, həbsdə olan sabiq prezident Saakaşvili də xalqı etiraza səsləyib: “Hər kəs kütləvi etirazlara qatılmalıdır. Qorxmayın. Haqqın və demokratiyanın yanında olun!”.
Artıq Mixail Saakaşvilinin adından belə bir bəyanat da səsləndirilib: “Təbii ki, heç kim parlamentə girməməlidir! İndi necə aldandıq deyə, başımıza kül səpələməyin (başa kül səpələmək, panika yaratmaq kimi nəzərdə tutulur — red.) vaxtı deyil. İndi dünyaya azadlıq uğrunda mübarizə apardığımızı və ədalətsizliyə dözümsüz xalq olduğumuzu göstərmək üçün, böyük etirazların vaxtıdır. Vaxt çox azdır!”
Tahir HÜSEYNOV,
araz.az xəbər portalı.
Rusiya Müsəlmanları İdarəsinin QƏRAR-ı: 4-ə QƏDƏR ARVAD ALMAQ OLAR
Çoxarvadlılığa icazə verilməsinə reaksiyalar: “Heç bir dini qərar və ya sərəncam qanundan yuxarıda dura …
