İsrailin nüfuzlu “Yerusəlim Post” nəşri Livanla davam edən gərginlik fonunda diqqətçəkən məqalə ilə çıxış edib.

araz.az xəbər verir ki, Mordeçay Kedar adlı müəllifin qələmə aldığı məqalədə Hizbullah və İsrail arasında gedən müharibədə Livan xalqının əziyyət çəkdiyi bildirilir.

Müəllif xatırladır ki, Hizbullah Livan xalqının özünə qarşı da teraktlar törədib, baş nazir Rafik Həririni qətlə yetirib, o cümlədən digər qətliamlar törədib.

“Livan xalqının oyanma vaxtı çatıb ki, onların ölkəsi ikinci Qəzzaya çevrilməsin. Onlar İsrailə Livanı Hizbullahdan təmizləməyə və bütün vətəndaşları üçün dini tolerantlığı və plüralizmi təbliğ edən Azərbaycan kimi sülhsevər bir ölkə qurmağa kömək etməlidirlər”, — müəllif qeyd edib.

Daha sonra məqalədə Livandakı sünni və şiələr, xristianlar, yəhudilər üçün Azərbaycan nümunə olaraq göstərilib.

“Livan üçün ən yaxşı irəliləyiş Azərbaycan modelidir. Azərbaycan Cənubi Qafqazda yerləşən dünyəvi, plüralist, multikultural ölkədir.

Xalqının əksəriyyəti şiə olsa da, sünni azlıqlara o qədər hörmət edirlər ki, Bakıda Heydər məscidində birlikdə (sünni və şiələr) namaz qılırlar. Bu, dünyada sünni və şiələrin sülh və harmoniya içində birlikdə namaz qıldığı yeganə böyük məsciddir.

Azərbaycanda müsəlman əksəriyyəti ilə dinc yanaşı yaşayan böyük yəhudi icması var. Biz Azərbaycanın dağ yəhudiləri 2500 ilə yaxındır ki, bu torpaqda yaşayırıq. Bu müddət ərzində Azərbaycan xalqı bizi qucaqlayıb, təhlükədən qoruyub. Dünyanın hər hansı bir yerində hər hansı bir yəhudi özünü təhlükədə hiss edirsə, Azərbaycana köçməlidir”, — Azərbaycan Yəhudi İcmasının lideri Milix Yevdayev bildirib.

Məqalədə qeyd olunur ki, Azərbaycan yəhudiləri Azərbaycanda müsəlmanlarla bərabər dinc yanaşı yaşayan yeganə azlıq deyil. Azərbaycanda çiçəklənən xristian və bəhai icmaları da var. Ölkə həm də zərdüştilik irsi ilə fəxr edir və zərdüştiliyin bir çox qalıqları bu gün də Azərbaycanın bir hissəsidir.

Bu günlərdə Azərbaycan prezidentinin xüsusi tapşırıqlar üzrə nümayəndəsi Elçin Əmirbəyov Azərbaycan mətbuatına açıqlamasında deyib: “Dini tolerantlıq — müxtəlif dini konfessiyaların nümayəndələri arasında qarşılıqlı hörmət, onların ölkəmizdə ahəngdar və dinc yanaşı yaşamasıdır. Etnik mənşəyindən və dini mənsubiyyətindən asılı olmayaraq, bu, Azərbaycanın səciyyəvi əlamətidir və bütün azərbaycanlılar üçün qürur mənbəyidir. Şərqlə Qərbin kəsişməsində yerləşən geostrateji mövqeyimiz və hər iki sivilizasiyanın dəyərlərini mənimsəmək və qoruyub saxlamaq qabiliyyətimiz bizə müxtəlif mədəniyyətlər və sivilizasiyalar arasında canlı körpü rolunu oynamağa imkan verir”.

Bu multikultural mühitdə yaşayan Azərbaycanın Qəzzada davam edən müharibəyə münasibətinə və Türkiyə ilə qardaşlıq əlaqələrinə baxmayaraq, İsrail dövləti ilə də çox möhkəm dostluğu var.

Əgər Livan Hizbullahdan qurtulsa və dini plüralizm üçün Azərbaycan modelini izləsəydi, Livan çox tez İbrahim razılaşmalarına qoşulub bu müharibəni geridə qoya bilər, beləliklə də Livan xalqını çox faciə və ürək ağrısından xilas edə bilərdi.

Ona görə də, mən, Livan xalqını İranın Tehrandan Aralıq dənizinə qədər şiə ayparası tikməsinə icazə verməməyə çağırıram.

Siz yox, yalnız İran və onun proksiləri üçün nəyin yaxşı olduğunu düşünən Hizbullah naminə əziyyət çəkməyi dayandırın.

Livanı Hizbullahdan azad etməkdə İsrailə kömək edin və onu İsrail dövlətinin yanında dinc yanaşı yaşayacaq Azərbaycan multikulturalizm modeli ilə əvəz edin”. /axar.az/

 

araz.az xəbər portalı.