Vətəndaşlardan biri Azərbaycan Avtomobil Yolları Dövlət Agentliyinin İdarə Heyətinin sədri Saleh Ərşad oğlu Məmmədova aid olduğunu iddia etdiyi mülkün görüntülərini çəkərək, sosial şəbəkədə paylaşıb.

Görüntülərdən məlum olur ki, villanın ətrafı mühafizə və kameralarla təmin edilib. Bağ evinin sahibi üçün xüsusi elektrik stansiyası qurulub. Küçəyə çəkilən asfalt örtüyü isə çox yüksək səviyyədədir.

Sol və arxa tərəfdə dostuna və öz yaxın adamlarına eyni ərazidə ev aldığı iddia edilir. Görüntüləri paylaşan şəxs qeyd edib ki, dəfələrlə öz küçəsinə asfalt örtüyünün çəkilməsi üçün müraciət etsə də, büdcədə pul olmadığı bildirilib. Eyni zamanda şəxs qeyd edir ki, binanın ətrafına əkilən dekorativ ağaclar da olduqda bahalıdır.

araz.az bildirir ki, bu məsələ ilə bağlı mətbuatın Avtomobil Yolları Dövlət Agentliyi ilə əlaqə saxlamaq və cavab almaq cəhdi boşa çıxıb.

Qeyd edək ki, Avtomobil Yolları Dövlət Agentliyinin sədrinin imarətini müzakirə edən bəzi sosial şəbəkə istifadəçiləri onu Türkmənistanın sabiq prezidenti Qurbanqulu Berdıməhəmmədovun iqamətgahından da mötəbər hesab ediblər.

Ətraflı videoda:
​https://ajans.az/7911

araz.az xəbər portalı.