Zinanın xərçəng xəstəliyi törətdiyi təsdiqləndi – Avropa alimləri…

Bir daha Allahın Qurani-Kərimdə zinakarlığı haram buyurmasının müzakirəyə ehtiyacı olmadığı sübut olunur…
Ömür boyunca 10 və ya daha çox cinsi partnyorun olması xərçəng xəstəliyinin inkişaf riskinin artmasına gətirib çıxarır.

Moderator.az Rusiya mediasına istinadla xəbər verir ki, London Universitet Kolleci, Vyana Tibb Universiteti və digər tədqiqat institutlarından olan beynəlxalq alimlər qrupu belə nəticəyə gəlib.

Tədqiqat işi “BMJ Sexual & Reproductive Health” jurnalında dərc edilib. Cinsi partnyorların sayının sağlamlığa təsiri az öyrənilib. Buna görə də tədqiqatçılar bu boşluğu doldurmağa qərar veriblər.

Əsas kimi Britaniyada 2002-ci ildə başlanmış yaşlanma ilə bağlı lonqityud(bir və ya bir qrup insanla uzunmüddətli) “ELSA” tədqiqat məlumatlarını götürüblər. Tədqiqat çərçivəsində 50 yaşdan yuxarı insanlar haqqında(siyasi baxışları, əmək bazarındakı fəaliyyətləri, fiziki və psixi sağlamlıqlarına qədər) məlumatlar toplanıb.

2012-2013-cü illərdə 5.700-dən çox insan həyatları boyu cinsi partnyorlarının sayı haqda hesabat verib. Elm adamları cavabları 0-1, 2-4, 5-9 və 10 və daha çox cinsi partnyor qruplarına ayırıb. Həmçinin, respondentlərin sağlamlıq durumu, ailə vəziyyəti, gəlir səviyyəsi, həyat tərzi, pis vərdişləri və depressiv simptomlarının mövcudluğu da qiymətləndirilib. İştirakçıların orta yaşı 64 və demək olar ki, 75%-i evli olub. Kişilərin 28.5% -i sorğu zamanı 0-1 cinsi partnyorlarının olduğunu, 29%-i 2-4 ortaqlarının olduğunu söyləyib. Hər beşdə biri (20%) 5-9, 22%-i isə təxminən 10 və ya daha çox cinsi tərəfdaşı olduğunu bildirib.

Qadınlar üçün müvafiq göstəricilər aşağıdakılar oub: 41%-dən bir qədər az, 35.5%, 16%-dən bir qədər az və 8%-dən bir qədər az. Yalnız bir cinsi partnyoru olduğunu bildirən qadınlarla müqayisədə 10 və daha çox ortağı olanlarda xərçəngin inkişaf riski 91% yüksək olub.

Ömrü boyu 2-4 cinsi partnyoru olduğunu bildirən kişilər arasında xərçəng xəstəliyinə tutulma şansı bir ortağının olduğunu və ya ümumiyyətlə, olmadığını bildirən kişilərə nisbətən 57% daha yüksək alınıb. 10 və daha çox cinsi ortağı olduğunu bildirənlər, birdən çox ortağı olmayanlara nisbətən xərçəngdən 69% daha çox əziyyət çəkib.

P.S. İmansızlar üçün bir daha Allahın sonuncu Kitabı olan Qurani-Kərimdə, eləcə də ondan əvvəlki Tövrat və İncildə zinanı haram buyurmasının müzakirəyə ehtiyacı olmadığı təsdiqlənir…

Sultan Laçın

araz.az xəbər portalı.