Birinci vitse-prezident qeyri-hökumət təşkilatlarını hadisələrə ədalətli qiymət verməyə çağırdı

Dünya birliyi indiyədək erməni vandalizminin qarşısının alınmasında ciddi sanksiyalar tətbiq etmədiynindən,  habelə 30 ilə yaxındır ki, beynəlxalq hüququn norma və prinsiplərinin pozulmasına biganəlik erməniləri daha da quduzlaşdırıb. Azərbaycanlılara qarşı bir-birnin ardınca törətdikləri  dəhşətli terror aktlarına, dinc əhalinin vəhşicəsinə qətlə yetirilməsinə, tarixi-mədəni abidələrin yerlə yeksan edilməsinə, o cümlədən sərhədboyu ərazilərdə təxribatlar tördilməsinə  susqunluq işğalçı Ermənitanı getdikcə  daha da azğınlaşdırır . Son illər faşizm ideologyasını dövlət siyasətinə çevirən Ermənistanın törətdiyi təxribatlar artıq beynəlxalq miqyasda da özünü açıq şəkildə büruzə verir.

Son vaxtlar erməni radikallarının Azərbaycanın bir sıra ölkələrindəki diplomaik nümayəndəliklərinə və  aksiya keçirən dinc azərbaycanlılara qarşı təxribatlar törətmələri, irqçilik, aqressiya, nifrət, etnik ayrı –seçkilik, zor tətbiqi bu millətin qəddarlığını  yenidən  təsdiqlədi, faşizm ideologiyasını dövlət siyasətinə çevirməsini bir daha sübut etdi. Özü də bu halların insan hüquq və azadlıqlarına tamamilə zidd, qəbuledilməz olduğunu dünyaya car çəkən ölkələrdə, Avropanın mərkəzində, eləcə də Amerika Birləşmiş Ştatlarının Los-Anceles şəhəhrndə baş verdiyini görəndə dünya birliyinin ikili standaratlar xəstəliyindən  hələ də əziyyət çəkdiynin şahidi oluruq. Bununla yanaşı, erməni radikallarının Azərbaycanın Fransa, Böyük Britaniya, İşveç,Polşa, Avstraliya, Niderland və Belçikadakı diplomatik nümayəndəliklərinə, həmçinin xarici ölkələrdə yaşayan  və Ermənistanın iyulun 12- dən başlayaraq, növbəti təxribatlarına  etiraz məqsədilə həyata keçirilən  dinc soydaşlarımıza qarşı aqressiv təxribatçı əməllərinə hələ də ciddi münasibət bildirilmir. 

Göründüyü kimi, ermənilərin təxribat törətdikləri, insan hüquq və azadlıqlarını kobud surətdə pozduqları ölkələrin hər biri bu gün özlərini Avropada demokratiyanın beşiyi hesab edirlər. Ancaq unudurlar ki, “demokratiyann beşiyində” irqçilik, etnik ayrı –seçkilik zəminində  zor tətbiq olunur, dinc aksiya iştirakçıları ilə vəhşiəsinə hərəkət edirlər. Təəssüf ki, “insan hüquq və azadlıqlarının müdafiəçiləri” hələ də erməni aqressiyasını görməzliyə vururlar. Əslində, bu, “demokariyanın beşiyi” olan ölkələrin siyasi riyakarlığının bariz nümunəsidir.

Dünya birliyi sanki hələ də dərk etmək istəmir ki, Azərbaycanın diplomaik nümayəndəliklərin  binalarına , həmçinin dinc azərbaycanlı aksiya iştirakçılarına  qarşı törədilən təxribatlar  özündə vandalizm  və terror elementlərini ehtiva edir və bütün bunlar  cinayət məsuliyyəti doğuran əməllərdir. Bu faktlar Azərbaycan Respublikasının Birinci vitse-prezidenti Mehriban Əliyevanın  yaxın günlərdə Amerikanın Los-Anceles şəhərində və bəzi Avropa ölkələrinin paytaxtlarında  baş vermiş hadisələrlə bağlı həmvətənlərimizə müraciətində də öz əksini tapıb.

Amerikanın Los-Anceles şəhərində və bəzi Avropa ölkələrinin paytaxtlarında baş vermiş hadisələr milyonlarla azərbaycanlı kimi, Birinci vitse-prezidenti də  dərindən hiddətləndirib. Birnci xanım qeyd edib ki, azərbaycanlıların öz Vətənini dəstəkləmək üçün müvafiq dövlət orqanları ilə əvvəlcədən razılaşdırılmış dinc, vətənpərvərlik aksiyaları erməni diasporunun nümayəndələri tərəfindən fiziki zorakılıq, aqressiya və qeyri-insani nifrət hissi ilə üzləşib. Müraciətdə bildirlir ki, yaxşı hazırlıq və təlim keçmiş təhrikçilər sayca xeyli üstün olmalarından istifadə edib dinc nümayişçilərə hücum çəkərək, onlara xəsarət yetiriblər. Bir sıra hallarda aqressiv əhval-ruhiyyəli erməni qrupları həmin vaxt azlıqda qaldığına görə, azğınlaşmış kütləyə müqavimət göstərə bilməyən azərbaycanlılara hücum ediblər. Tarixdə Azərbaycan xalqına qarşı bu cür cinayətlər törədilməsi nümunələrinin çox olduğunu  bildirən Birinci vitse-prezident  1992-ci il fevralın 25-dən 26-na keçən gecə Xocalı şəhərinin dinc azərbaycanlı əhalisinin Ermənistan silahlı qüvvələri tərəfindən kütləvi şəkildə məhv edildiyini xatırladıb.  Bu faciəli hadisələrin 10-dan çox dövlət tərəfindən soyqırımı kimi tanındığını və beynəlxalq təşkilatlar səviyyəsində pislənildiyni diqqətə çatdıran Mehriban xanım Əliyeva Xocalı faciəsində törədilən insanlığa sığmayan vandalizmi faktlarla əsaslandırıb.

Müraciətdə, həmçinin bildirilir ki, baş verənlər Ermənistanın işğalçı siyasətinin dinc Azərbaycan əhalisi üçün nə qədər təhlükəli olduğunu dünya birliyinə əyani şəkildə nümayiş etdirir. Belə hallarda bizim borcumuz bu həqiqəti dünya birliyinə çatdırmaqdır. Bizim vəzifəmiz birləşmək və son zorakılıq aktlarının ədalətlə təhqiq edilməsini, təqsirkarların məsuliyyətə cəlb olunmasını bütün tribunalardan təkidlə tələb etməkdir. Birinci vitse-prezident həmçinin  insan haqlarının müdafiəsini özlərinin missiyası elan edən “Freedom House”, “Amnesty International” və “Human Rights Watch” təşkilatlarını törədilmiş hadisələrə ədalətli qiymət verməyə çağırıb.

Artıq dünya birliyi də ermənilərin ərköyünlüyündən, vandal aktları törətməsindən, həmçinin  beynəlxalq hüquq normalarına hörmətsizliyindən cana doyub. Bununla yanaşı dövlət başçımızın uğurlu xarici siyasəti, eləcə də Birinci vitse-prezident Mehriban xanım Əlievanın kəsərli müraciəti dünya birliyni sanki qəflət yuxusundan ayıldıb. Artıq ABŞ-ın Loc –Anceles  şəhərində radikal erməni qüvvələrinin dinc azərbaycanlı aksiya iştirakçılarına, ölkəmizin diplomatik missiyalarına  və diplomatik xidmət əməkdaşlarına qarşı törətdikləri vandalizm aktları ilə bağlı araşdırmalar başlanıb. Həmçinin Belçikada Azərbaycan səfirliyinə  hücüm zamanı dəyən ziyanla bağlı dəlillər götürülüb.  Bununla yanaşı, ABŞ-ın ən nüfuzlu yəhudi təşkilatlarından olan Simon Vizental Mərkəzi və Amerika Yəhudi Komitəsinin Los-Anceles Nümayəndəliyi erməni daşnaklarının azərbaycanlı icma üzvlərinə qarşı həyata keçirdikləri vəhşilikləri pisləyib. Yayılan açıqlamalarda azərbaycanlı icma üzvlərinin zorakılığa məruz qalmaları pislənilir və bunun qəbuledilməz oduğu bildirilir. Eyni zamnada, nifrət  zəmnində törədilmiş hərbi cinayətlərin düzgün şəkildə araşdırılması ilə bağlı Los-Anceles polis idarəsinə çağırış edilib.

Uğurli xarici siyasətimizin və Birinci vitse-prezidentin müaricətinin daha bir kəsər də özünü göstərdi. Fransa parlamentinin üzvləri ölkə Prezidenti Emmanuel Makrona  Ermənistanın son hərbi təxribatlarına və Azərbaycana qarşı işğalçılıq siyasətinə qarşı müraciət ünvanlayıblar. Bir qrup deputat və senator  birgə müraciətlərində ölke Prezidentindən Ermənistanı işğalçı siyasətinə son qoymağa, Azərbaycanın ərazi bütövlüyünə hörmətə təhrik etmk üçün ciddi  tədbirlər  görülməsini istəyiblər. Müraciətdə, həmçinin Azərbaycana qarşı bu yeni təcavüzün beynəlxalq ictimaiyyətə Ermənistanın hələ də Azərbaycanın ərazisinin 5-də birnin zorla işğal etdiyi xatırlanıb. Bununla yanaşı, Fransanın ATƏT-in Minsk qrupunun üzvü kimi üzərinə götürdüyü öhdəliklər də xatırladılıb.

Artıq beynəlxalq ictimaiyyət ermənilrin yeni terror dalğasının qarşısının alınmasının tərəfdarı olduğunu gizlətmir. Artıq bu vandal aktlarına son qoymağın vaxtı çatıb. Dövlət başçımızın xarici siyasət kursunda , eləcə də Birinci vitse-prezidentin müraciətində də  qəti tələb kimi bildirilir ki, Azərbaycanın diplomatik nümayəndəliklərinə və dinc aksiya iştirakçılarıana qarşı törədilən təxribatların, vandal aklarınn qarşısı alınmalı və bu cinayəti törədənlərin hərəkəlrinə hüquqi qiymət verilməlidir.

Çingiz QƏNİZADƏ,

Demokratiya və İnsan Hüquqları Komitəsinin sədri, hüquq üzrə fəlsəfə doktoru (xalqqazeti.com)