1596183507 1596179237 0001“Azərsu, meliorasiya qurumları, sadəcə olaraq, dövlət investisiya proqramı müzakirə olunarkən fəallaşırdılar ki, onlara nə qədər dövlət büdcəsindən pay düşəcək. Bəzi hallarda onların təklif etdikləri layihələr, ümumiyyətlə, diqqətəlayiq deyildi. Sadəcə olaraq görürdüm ki, burada məqsəd dövlət vəsaiti götürüb ondan istifadə etməkdir. Amma ondan sonra bu layihələrin səmərəliliyinə kimsə baxıb? Kimsə bunu təhlil edib? Yox. Ona görə bəzi böyük həcmdə investisiya qoyulmuş layihələr faktiki olaraq heç bir səmərə verməyib. Necə ola bilər ki, suyun mənbəyi düzgün təhlil edilmir? O qədər böyük xərc çəkilir, boru xətləri çəkilir, vətəndaşlar buna sevinir. Sonradan min dənə bəhanə gətirirlər ki, belə oldu, elə oldu, su çatmadı, yeni mənbə axtarmalıyıq, yenə vəsait verin, yeni mənbə axtaracağıq. Buna son qoyulmalıdır. Ona görə mən bütün bu işləri mütəşəkkil qaydada tənzimləyəcəyəm. Aidiyyəti qurumlara göstərişlər verilib. Ciddi nəzarət mexanizmi olmalıdır. İlk növbədə, xərclərə ciddi nəzarət mexanizmi olmalıdır. Yoxsa Azərsudan, “Meliorasiya və Su Təsərrüfatı” Səhmdar Cəmiyyətindən sifariş gəlir, mənə bu qədər pul lazımdır ki, bunu edim. Amma sonra baxıb görürlər ki, bunun texniki-iqtisadi əsaslandırması yoxdur.”

Bu fikirləri iyulun 23-də Prezident İlham Əliyev su təsərrüfatının vəziyyətinə həsr olunmuş videoformatda keçirilən müşavirədə deyib.

Olkə başçısının çıxışından da göründüyi kimi, hər il kənd təsərrüfatında əkinəyararlı torpaq sahələrinin suvarma suyu ilə təmin edilməsi, problemlərin həll olunması, yaxşılaşdırılması məqsədi ilə milyonlarla dövlət vəsaiti ayrılır.Bəs bu vəsaitlər necə xərclənir ki, sonradan ölkə də su problemləri ilə üzbəüz qalır? Bəs bu işə birbaşa cavabdeh olan “Meliorasiya və Su Təsərrüfatı”Açıq Səhmdar Cəmiyyəti və ona tabeli qurumlara ayrılan vəsaitlər hara gedir? Qeyd edək ki, hər il “Meliorasiya və Su Təsərrüfatı” ASC-yə tabeli Tikilməkdə olan Meliorasiya və İrriqasiya Obyektlərinin Birləşmiş Müdiriyyətinin hesabına respublika ərazisində, meliorasiya,iriqasiya və suvarma sistemlərinin fəaliyyətini yaxşılaşdırılması məqsədi ilə kifayət qədər ciddi vəsaitlər ayrılır.Lakin qurumun gördüyü işlər nə üçün səmərəli olmur? İdarənin direktoru Ramiz Vəkilov bu yarıtmaz əməllərinə görə nə üçün vəzifəsindən kənarlaşdırılmır və yaxud yol verdiyi nöqsanlara görə niyə cəzalandırılmır?

Aktualinfo.org bu mövzuya hələ ötən il toxunmuşdu.Xatırlatmaq istərdik ki, 11.04 2019 cu il tarixdən 21 10.2019-cu il tarixədək, yəni altı ay müddətinə elan olunmuş tenderlərdə “Meliorasiya və Su Təsərrüfatı” ASC-yə tabeli sözügedən qurum tərəfindən 128 004 790 83 (Bu tərəfimizdən hesablanmış ümumi məbləğdir. Məbləğ göstəriləndən az və ya, çox da ola bilər. red.) manat dövlət sifarişi verilməsi barədə məlumatlar vermişdik.Ayrılmış bu qədər dövlət vəsaitinin müqabilində qurum tərəfindən görülən işlərin nəticəsi artıq göz qabağındaddır.Ölkə su çatışmazlığından əziyyət çəkir. Təklif edərdik ki, mütəxəsislərlə birlikdə iş görmək üçün vəsaitlər ayrılmış ərazilərə bir media tur təşkil olunsun. Biz də Ağcabədidən, Zərdabdan, Qazaxdan tutmuş digər adlarını sadalamadığımız ərazilərdə görülən işləri gözümüzlə görək,mütəxəsislər isə görülmüş işlərin qiymətini hesablayıb,ayrılmış vəsaitlərlə müqayisə etsinlər.

Onu xüsusilə vurğulamaq istərdik ki, ötən il,11.04.2019-cu il tarixdə “Muğansutikinti” MMC-nin Salyan filialı ilə bağlanmış müqaviləyə əsasən təkcə Araz çayının yeni qolundan suyun yeni suvarılacaq torpaq sahələrinə verilməsi üçün paylayıcı kanalların tikintisinin II mərhələsinə 61 335 008.72 manat dövlət vəsaiti ayrılıb.Bu dövlət vəsaiti hara xərclənib və nə üçün bu gün aran zonasının kəndləri suvarma suyunun çatışmazlığından əziyyət çəkirlər?

Bunlar ötən il ayrılmış vəsaitlərdir.İndi isə gəlin Azərbaycan Meliorasiya və Su Təsərrüfatı Açıq Səhmdar Cəmiyyətinin Tikilməkdə olan Meliorasiya və İrriqasiya Obyektlərinin Birləşmiş Müdiriyyəti tərəfindən 2020-ci ilin aprel-iyul aylarında keçirilmiş tenderlər yolu ilə ayrılmış vəsaitlərə diqqət yetirək.

23.04.2020-ci il tarixdə “ŞƏMKİR SU ARTEZİAN – NUR” Məhdud Məsuliyyətli Cəmiyyətinə Ağcabədi rayonunda 30 quyu,Goranboy rayonunda 17 quyu,Qazax rayonunda 14 quyu, Samux rayonunda 15 quyu,Xocavənd rayonunda 2 quyu,Gəncə rayonunda 2 quyu,Göygöl rayonunda 10 quyu,Naftalan rayonunda 1 quyu,Şəmkir rayonunda 18 quyu,Şuşa rayonunda 2 quyunun qazılmasına işlərinə 4935000 manat.

Həmin tarixdə “İQBAL-R” Məhdud Məsuliyyətli Cəmiyyətinə Ağdam rayonunda 20 quyu, Bərdə rayonunda 23 quyu, Tərtər rayonunda 21 quyu, Yevlax rayonunda 7 quyu, Şamaxı rayonunda 4 quyu, Qobustan rayonunda 2 quyu, Laçın rayonunda 2 quyunun qazılması işlərinə 360200 manat.

Həmin tarixdə “AZƏRTRANSS” Məhdud Məsuliyyətli Cəmiyyətinə Ağstafa rayonunda 10 quyu, Tovuz rayonunda 18 quyu, İsmayıllı rayonunda 10 quyu, Ağsu rayonunda 3 quyu, Ağdaş rayonunda 2 quyu, Cəlilabad rayonunda 12 quyu, Masallı rayonunda 10 quyu, Lerik rayonunda 1 quyu, Biləsuvar rayonunda 2 quyu, Yardımlı rayonunda 1 quyu, Şabran rayonunda 3 quyu, Qusar rayonunda 9 quyunun qazılması işlərinə 3531000 manat.

Həmin tarixdə “İQBAL-R” Məhdud Məsuliyyətli Cəmiyyətinə Quba rayonunda 10 quyunun qazılması işlərinə 420000 manat.

Həmin tarixdə “İQBAL-R” Məhdud Məsuliyyətli Cəmiyyətinə Respublikanın yaşayış məntəqələrində əkin sahələrinin və əhalinin içməli suya olan tələbatının ödənilməsi üçün subartezian quyularının qazılması ( Goranboy rayonu 43 ədəd quyunun qazılması işlərinə 1902500 manat.

Həmin tarixdə “AZƏR ELEKTRİK TİKİNTİ” Məhdud Məsuliyyətli Cəmiyyətinə Respublikanın yaşayış məntəqələrində əkin sahələrinin və əhalinin içməli suya olan tələbatının ödənilməsi üçün subartezian quyularının qazılması ( Goranboy rayonu 43 ədəd quyunun xarici elektrik təchizatına 1075000 manat.

06.05.2020-ci il tarixdə “AZƏR SƏNAYE TİKİNTİ DƏMİR BETON ŞİRKƏTİ” Məhdud Məsuliyyətli Cəmiyyətinə Qəbələ rayonunda 10 quyu, Oğuz rayonunda 10 quyu, Şəki rayonunda 18 quyu, Qax rayonunda 17 quyu, Zaqatala rayonunda 18 quyunun qazılması işlərinə 3015000 manat.

Həmin tarixdə “AZMEK-LTK” Məhdud Məsuliyyətli Cəmiyyətinə Füzuli rayonunda 14 quyu, Beyləqan rayonunda 12 quyunun qazılması işlərinə 1082000 manat.

Həmin tarixdə KƏMALƏ-A FİRMASI Məhdud Məsuliyyətli Cəmiyyətinə “Sel və daşqın təhlükəli çayların zərərli təsirinə qarşı mübarzə və qəza vəziyyətinin aradan qaldırılması tədbirləri” obyekti tərkibində Astara rayonun Pensərçay çayında sahilbərkitmə işləri ilə b (Astara çayının məcrasının 138-ci sərhəd nişanından 141-ci sərhəd nişanına kimi təmizlənməsi) 511149.53 manat.

Həmin tarixdə “TEYMUR-M” Məhdud Məsuliyyətli Cəmiyyətinə “Şamaxı rayonu ərazisində 8 ədəd kiçik sututarda zəruri təmir-bərpa işlərinin (7 ədəd sututar) satınalmasına 4848867.05 manat.

Həmin tarixdə “SU-HƏYAT” Məhdud Məsuliyyətli Cəmiyyətinə Balakən rayonunda 10 quyunun qazılması işlərinin satınalmasına 425000 manat.

Həmin tarixdə “QARABAĞ-ER” Məhdud Məsuliyyətli Cəmiyyətinə “Sel və daşqın təhlükəli çayların zərərli təsirinə qarşı mübarzə və qəza vəziyyətinin aradan qaldırılması tədbirləri” obyekti tərkibində Ağcabədi rayonu ərzisində Qarqarçayda selə qarşı müabrizə tədbirlərinin satınalmasına 1010600.73

20.05.2020-ci il tarixdə “AZTİKİNTİSERVİS” Məhdud Məsuliyyətli Cəmiyyətinə Qusar rayonu Zuxul kəndinin həyətyanı və əkin sahəlirinin su təminatının yaxşılaşdırılması işlərinin satınalmasına 646000 manat.

Həmin tarixdə “FOUNDATİON TECHNOLOGY GROUP” Məhdud Məsuliyyətli Cəmiyyətinə “Sel və daşqın təhlükəli çayların zərərli təsirinə qarşı mübarzə və qəza vəziyyətinin aradan qaldırılması tədbirləri” obyekti tərkibində Xaçmaz rayonu ərazisində Qudyaçay,Ağçay və digər çaylarında sahilbərkitmə işlərinin satınalmasına 732802.37 manat.

24.07.2020-ci il tarixdə “AZ-TİKİNTİ 2020” Məhdud Məsuliyyətli Cəmiyyətinə Xaçmaz rayonunda 10 quyunun qazılması işlərinin satınalmasına 422000 manat.

Qeyd edək ki,keçirilmiş tenderlər yolu ilə Tikilməkdə olan Meliorasiya və İrriqasiya Obyektlərinin Birləşmiş Müdiriyyəti tərəfindən ümumi olaraq 24 917 119 manat dövlət vəsaiti ayrılıb. Bu vəsitlərin ayrıldığı şirkətlər də,elə ötən il tenderlərdə güya qalib çıxan şirkətlərdir.Amma əslində isə bu MMC-lər “Meliorasiya və Su Təsərrüfatı”Açıq Səhmdar Cəmiyyətinin sədri Əhməd Əhmədzadəyə yaxın və yaxud dolayısı yollarda tanış olan şəxslərdir.
Aktualinfo.org

araz.az xəbər portalı.