Bu ilin aprelin 7-də saat 16:00-da Göyçay şəhəri, Natəvan küçəsi 120 nömrəli ünvanda Teymur Əhmədov adına “AzNar” QSC-nin inzibati binasında ləğv prosesində olan “Az-Nar” QSC səhmdarlarının növbədənkənar ümumi yığıncağı keçiriləcək.
Şirkətdən “APA-Economics”ə verilən məlumata görə, növbədənkənar ümumi yığıncaqda ləğv prosesində olan “Az-Nar”ın aralıq balansı, əmlakı, QSC-nin ləğv edilməsi ilə bağlı qanuna müvafiq tədbirlərin həyata keçirilməsi məsələsi müzakirə ediləcək.
Bundan başqa, həmin gün Teymur Əhmədov adına “AzNar” QSC səhmdarlarının növbəti ümumi yığıncağı da keçiriləcək. Ümumi yığıncaqda “AzNar”ın 2017-ci il üçün illik (maliyyə) hesabatları, QSC-nin nizamnaməsinin yeni redaksiyada təsdiq edilməsi, direktorlar şurası, icra orqanı barədə məsələlər müzakirə olunacaq. Səhmdarlar ümumi yığıncağın çağırılmasına 30 gün qalmış gündəliyin layihəsinə dair təkliflər vermək və ümumi yığıncağa 15 gün qalmış gündəliyə daxil edilmiş bütün məsələlər üzrə müvafiq sənədlərlə tanış ola bilərlər. az24saat.org
araz.az xəbər portalı.
Rusiya Müsəlmanları İdarəsinin QƏRAR-ı: 4-ə QƏDƏR ARVAD ALMAQ OLAR
Çoxarvadlılığa icazə verilməsinə reaksiyalar: “Heç bir dini qərar və ya sərəncam qanundan yuxarıda dura …
