“Два manat 34 qəpik” və ya “письмо”: Poçt qəbzi deputatı qəzəbləndirdi

“Bu ödəniş bildirişi Azərbaycan Nəqliyyat, Rabitə və Yüksək Texnoloğiyalar Nazirliyi nəzdində fəaliyyət göstərən Azərpoçt MMC də vətəndaşlara verilən qəbzlərdən bir nümunədir. Müəssisə doğrudan da “yüksək texnologiya” nümayiş etdirərək qurama bir dil icad edib”.

Cebhe.info xəbər verir ki, bunu Vətəndaş Həmrəyliyi Partiyasının (VHP) sədri, deputat Sabir Rüstəmxanlı deyib.

S.Rüstəmxanlı bildirib ki, 30 ilə yaxın müstəqil olan bir dövlətin poçtları özlərini gülünc vəziyyətə salır:

“Səbəbini anlamaq olmur. Bəlkə Azərbaycana məxsus olduqları hələ poçt işçilərinə və onların böyüklərinə çatmayıb? “Əməliyyatın növü:письмо” və ya “Два manat 34 qəpik” hansı texnologiya ilə icad edilmiş dildir. Poçt işçiləri dövlət dilimizə niyə sayqısızlıq edirlər?”

Vilayət Muxtar
Cebhe.info

araz.az xəbər portalı.